هنا مقص وهنا مقص
هنا عرايس بى تترص
قرب
جرب
يلا
وبص
وقبل ما تقرا رموز "النص"
تعرف تعمل دادا ـــــــــ بان
تعرف تعمل بغبا ــــــــ غان
تعرف تبقا خسيس .... وجبان
تاخد جايزت... لامريـ ــــ كان
جايزة كبيييييييره للاعيان !
للى هيخلى فى بيته مكان
او يتمشى
فى ظرف ــــــ زمان
وان ما حصلشى ؟
وان ماحصلشى !
ماهتفضلشى
يخدك موتك بالأحضان !!!
واللى هيخلف فى الأوزان ؟
يبقا حصله فى مخه ـــــ جنان
يبقااتحدى السوبر ــــــــ مان
واللى تقوله ؟
واللى تقوله يقولك
هوووووووووووووس
هنا مقص وهنا مقص
هنا عرايس بى تترص
زى بلادك
ملهاش حس
وتاهت بينا
وحنا بنسأل
عن حوارينا
عن احلامنا
وعن أغانينا
جينا ورحنا
ورحنا وجينا
وليل الغربة
الساكن فينا
حالف ليبدد
قلبها ميت
عمره ماحس
وهنا مقص وهنا مقص
هنا عرايس بى تترص
وبس
احنا بنعرف نشكى
وبس
احنا بنعرف نبكى
و احنا فى هامش
بره " النص"
وهنا مقص وهنا مقص
وحنا عرايس بى تترص