الأحد، 28 نوفمبر، 2010

ظرف زمان

   


                        هنا مقص   وهنا مقص

                  هنا عرايس   بى تترص


                               قرب

                              جرب

                                يلا 


                              وبص

                        
                    وقبل ما تقرا رموز "النص" 


                    تعرف تعمل دادا ـــــــــ بان

                    تعرف تعمل بغبا ــــــــ غان

                    تعرف تبقا خسيس .... وجبان

                   تاخد جايزت... لامريـ  ــــ كان

                    جايزة  كبيييييييره للاعيان !

                     للى هيخلى فى بيته مكان

                             او يتمشى

                       فى ظرف ــــــ زمان

                        وان ما حصلشى ؟

                         وان ماحصلشى !

                           ماهتفضلشى

                      يخدك موتك بالأحضان !!!

                      واللى هيخلف فى الأوزان ؟

                     يبقا حصله فى مخه ـــــ جنان

                      يبقااتحدى السوبر ــــــــ مان

                              واللى تقوله ؟

                           واللى تقوله يقولك

                         هوووووووووووووس


                       هنا مقص    وهنا مقص 


                        هنا عرايس بى تترص


                               زى بلادك

                              ملهاش حس

                             جت فى النص 


                              وتاهت بينا

                              وحنا بنسأل

                             عن حوارينا

                             وعن أرضينا

                              عن احلامنا 

                              وعن أغانينا


                              جينا ورحنا

                              ورحنا وجينا

                               وليل الغربة

                               الساكن فينا 

                               حالف ليبدد

                                فى مدينة

                               قلبها ميت 

                             عمره ماحس


                      وهنا مقص   وهنا مقص

                       هنا عرايس بى تترص

                        واحنا بنعرف نحكى

                                 وبس

                          احنا بنعرف نشكى

                                 وبس

                           احنا بنعرف نبكى

                                 وبس

                           و احنا فى هامش

                              بره " النص"


                     وهنا مقص     وهنا مقص

                       وحنا عرايس بى تترص
                                  
                                      



                      



الجمعة، 26 نوفمبر، 2010

حزبنى يا ........

      ابدعات عباسية 
  فى فنون الكومديا الانتخابية

                                              أيها الناس




                             من اجل مصر المفروسة
                        ومن اجل ما فى جيوبكم جميعاُ

                                  استرشحت نفسى

                           لاانال مافى محافظكم الثمينة

                                         اذاُ

                                 صوتو يرحمكم الله


                    
                                   انتخبو عباس
                                        رمز
                                      الافلاس 


                                     انتخبونى
                                      تعرفونى


                                     انتخبونى
                                      تجدونى


                                   يا تنتخبونى
                                        يا
                                    تنتخبونى


                                 الحزب رشحنى
                            ومحدش هيقدر يسوحنى


                                  اولاد الناس
                                ينتخبو عباس
                                          حديث ظريف



                                    لو لم اكون مصرى
                           لودت ان اكون عباسى 
                                              المنافقين القدماء






                                    كُن بلاص
                                 وانتخب عباس


                               اذا انتخبتم عباس
                       فاستعدو اذاُ لخلع ال....تيييييت

              

الثلاثاء، 23 نوفمبر، 2010

ظل الاله !

     

                                       عبوة ناسفة

                                   تلك
                             
                                   التى

                            اقعدونى عليها

                             موتاً اموت !

                                 موتاً

                                اموت

                            وهم يمزحون

                                 موتاً

                                اموت

                             وهم يعبثون

                           " بِِذنب الفتيل "

                               بوجهى !

                            وجهى الذى

                            تطايرت منه

                           شظاية الحقيقة

                              وحقدى ....

                            حقدى الدفين   
  

                           رجوتُ الامان 

                            لكى لايُسربل

                            حُلمى الشهيد

                               بحُلم بليد

                           رجوت الامان

                            لكى لا يُعانق

                               موتى

                               القديم


                            موتى الجديد


                            وطيف بعيد


                             طيف وحيد

                                يُسمى

                               
                                سلام !


                           رجوت الاله


                             ظل الاله !
                   
                           ما  امهلونى !


                           هم اقعدونى


                           لا الا  يكون


                          فهل تغضبون


                               هل


                            تغضبون


                 


السبت، 20 نوفمبر، 2010

باب ف الصور

                             

                        
                      
                        قلبى العاشق

                        كل "عشية "
                        يسرح  بى

                  بيدورلِك على فجرية

                ـ تفتح طاقة نور ...وجسور

               تفتح باب للناس.... ف الصور

                                                           
                                تاخدِك مرة
           
                تاخدِك مرة من  " لياليكى " !

                 
                            احلا 
                        
                           مافيكى



                          انِك دنيا ...
                  
                       كون وحديكى !

                       زى " المهرة "

                       ماشاالله عليكى


                          لما تطلى 
     
                       من " شبابيكى "


                        الاقى الدنيا


                          كل العالم


                          مستنيكى !

                       و الاقى عيون

                    " بتحوم " حواليكى


                     لاجل تخيب حلمِك

                             تانى

                 وتضيع منِك ف ثوانى


                       اللى فى قلبه ....


                         شوق وامانى


                           اللى يخاف

                            من نسمة 

                             عليكى !


                  
                          كل ما " ادقق "


                         كل ما " اعافر "


                          علشان " المح "


                        مين ف " الصورة " !


                            مين مستنى ؟


                            ومين هيسافر


                            قبل ما روحه


                                تروح


                            " مهدورة " !


                      
                   الاقى  " ماضيكى " !!!!!


                         منين ما تروحى


                         زى " العيل "


                        " شابط " فيكى !


                        لا " ومصهلل "

                         جوة عنيكى !

                       ـ حط " الطبلة "


                       ومسِك " العود "

                           غنا وقال :

                       ـ يا زمان هنعود  
                          
                        ومال " بالعمة "  !


                           ومسا عليكى


                               غنا !


                             غنا ...غُناه 

                           اللى مبكيكى !

                           احلا ما فيكى


                               احلا


                              ما فيكى


                             انِك قادرة


                          على  " اعاديكى "


                              بس الصبر


                           اللى " محليكى " !


                               بس القلب !


                            اللى " مدفيكى "


                              لسة مدارى !


                               دموع اليأس


                               لسة مخبى


                                جراحه


                                 عليكى







الخميس، 18 نوفمبر، 2010

نفس المكان !

          
                  
                              لحظة الصدق البريئة
 
                            لحظة عمرى ما انسهاش

              
                               يوما قلت له الحقيقة

                             وقال ياريت ما قلتهاش !

                                    
                                                     و    
                                        افترقنا

                                و الدموع ملو العيون

                   
                                       افترقنا

                                والسكوت مالى المكان

                     
                                       افترقنا

                                  والجراح بتهد فينا

                   
                                       افترقنا

                                  والسنين قسيت علينا

            

                                    عمرنا ضاع مننا

                  
                                           انتهينا
             
                                   وحنا لسة زى ما احنا

                                         منسيناش !



                   
                             والنهاردة لما شوفته ع الطريق


                                            ماشى


                                       وف نفس المكان !

                                          حاضن القلب


                                              البرئ

                                          حاضن الشوق


                                              والحنان


                                          خفت قلبى يموت


                                                 غريق


                                          بس حسيت بالامان

                                         وان عمرى مهما كان

                                          لسة برضو منتهاش

                                           لسة برضو منتهاش

الثلاثاء، 16 نوفمبر، 2010

عيد .......وربك يعيد

                      
                                 فى البداية
                     (عايزكم تطولو بالكم على حبتين)
                        اكيد طبعا كلنا لسة فاكرين  
                         ومش ناسيين ان العيد
                وفى الاساس هو مناسبة دينية صميمة
          (الجملة فى الاساس برضو مجرد اقرار واقع صح؟) 
                                  ما علينا
                      ادخل لكم من حتة تانى
          تفتكرو ايه الحكمة اللى ربنا اراد انه يوصلها لينا 
                    فى مناسبة زى النهاردة ؟
                 برضو مش وصلين لحاجة صح؟
                             يامُسهل يارب 
            
                            نبدا من جديد 
              هل العيد مازال مناسبة دينية فعلا ؟
                   ولا اصبح مجرد عادة اجتماعية مش اكتر 
               شكلى ح انضرب النهاردة :) 

                             يمتاذ العيد بحاجات زى :
                                   الفرح
                                  السعادة
                                   البهجة
                                   السرور
                                   المرح  
                                  والخ الخ 
               وزى ما فيه ناس كتير اكيد فرحانة بيوم زى ده 
                  اكيد برضو فيه ناس ممكن تكون مش فرحانة
              الفرح والسعادة فى يوم زى النهاردة
              من الطبيعى   اننا    نستوعبهم  
              لكن صعب علينا اكيد اننا نستوعب حاجة عكس كدا 
              لو سالنا روحنا سوال بايخ وقولنا : 
             ايه الحكمة فى اننا نكون فرحانين ؟
            هل لانها حاجة اتولدنا لقينا روحنا بنحس بيها 
            وبنمارسها بصورة شبه اوتوماتيكية    
           حاجة يعنى كل الناس بتحسها وتمارسها بشكل تلقائى
                                 جايز !
             طيب لو واحد غلس زى حلاتى قالك :
             ـ انا ماللى انا باللى فرحان ولازعلان حتى  
             ـ انا ايه يخصنى فى كدا
                ـ انا واحد كله : الم ومرار وحزن وتعاسة

                من المستحيل انهم يعتقونى ولو حتى فى يوم 
             زى  النهاردة !
         
           هل ممكن يحصل كدا ؟
                           يجوز !
           بس الشى اللى مش ممكن 
               ومش جايز اكيد
          اننا ننسى انه فى يوم زى النهاردة 
                        الله
                  سبحانه وتعالى
                      فدى نبيه اسماعيل
       اللى لو مكنش المولى سبحان انعم عليه واكرمه
                      بالفداء العظيم
                  لاكان  
                 ولا كنا
           لاكان اتولد من نسله وزوريته 
           نبى ورسول عظيم اسمه
            
                          محمد
         
            صلى الله عليه وسلم
                        محمد
               خاتم المرسلين       
         ولاكانت الرسالة العظيمة
                  وصلت لينا
                   ولا كنا
                   بنورها
                   اهتدينا 

          ربنا اكيد فرحان بينا
         علشان كل ده حصل بسبب
          موقف عظيم 
         حصل فى يوم زى النهاردة
          فا مش معقول
  ان حد فينا ما يكونش فرحان فى زكرة عظيمة زى النهاردة 


 ........... 

  ملحوظة

ياهل ترا العيد السنة دى  زى العيد السنة اللى فاتت
والاالعيد السنة اللى فاتت هوا الذى العيد السنة دى
                    مع تحيات
        عيد ابن سعيد ابن جمال ابن مبارك
         
 

الاثنين، 15 نوفمبر، 2010

قلبى ( ارندلى )



                            ونبى / تب ايه !!!!
                        (هه هييييييه / هه هيييييييييه)
                                انبى /  ونبى
                               انتى بتكدبى ؟
                               ايوى بتكدبى !

                                 جاية تقربى
                                 ولا تغربى
                                قلبى وتهربى
                         
                             تب  تب... جربى
                             خدى بالك ...خدى
                       
                      
                            لو/ هتغلبى ـــ قلبى
                                   هتتعبى
                               لو/ هتبطبى
                               يبقا هتكسبى
                            
                             
                                قلبى د/غلبان
                                محتاج لحنان
                                غلبان ونبى
                        
                              
                                ونبى/ ونبى
                                جاية تقربى
                                 ولا تغربى
                               قلبى وتهربى
                             
                               قبل ما تحلفى
                                لازم تعرفى
                             ـ تطلعى / تنزلى
                            ـ انا كدا  (فولالى )
                             ـ قلبى  (ارندلى )
                            ـ بس هيختلى
                                    بيكى 
                                  ويتملى :
                             ـ افراح / افراح
                              ـ وليالى ملاح
                             ـ مساء وصباح
                             بس انتى اطلبى
                               خليه يرتاح
                               يرتاح ونبى
                            
                              ونبى / ونبى
                               جاية تقربى
                                ولاتغربى 
                             قلبى وتهربى !