الثلاثاء، 20 ديسمبر، 2011

الغانية والشهيد

   

         بئس الدواء / الشك

حين تتعاطاه يفقدك الاحساس بالالم


                .......

             لم اكن معه

              كان وحيداً

             حين احتضر

                  ....

     
    على شاشة التلفاز المجسمة 

         كنت اراقبه من بعيد

      وهو  يلفظ انفاسه الاخيرة

       بينما " المزيع "  يهتف

    والى جواره " غانية " تامن

           ـ بلطجى أخر



          ـ بلطجى جديد


 وفى عيناهما لم المح غير حقد شديد


        حين هتفت السماء


          مرحا بالشهيد


          مرحا بالشهيد

الأحد، 11 ديسمبر، 2011

تضيع منى !

        
               
        النسيم بيرقص ع الشجر ويغنى للاغصان

         والندى على الببان مستنى ... فرحان



 وانتا ماشى ودمعتك على الخدود ليه ـ بتسابق الاحزان !!!

                         .....

                   كل ليل وليه اخر


                 كل صبح وليه اوان


                مسير الفجر هيشقشق


              والشمس لابد يوم هتبان

                وترجع بسمتك تانى


                وتعلا ضحكتك تانى

           وتغازل قلب مجروح وبيعافر


             علشان مايموتش من تانى


             حلم مزروع فى شريانى


  حالف ما يرتوى غير من كفك ـ الشهد / اللى خلانى


                 اغرق وانا عطشان


                 واعطش وانا غرقان


                         ........

                  

       بايدك تعدينا  بحور الياس والخوف 


             بايدك تطلعنا لسابع سما

             نعود " للجنة " ونشوف

             شجرة " الخلد " من تانى


                   ولانعانى

              باب السكة معروف


                    بايدك


              نوفر على روحنا


       مشاوير ما ليها اول .... ولا اخر


                   من الاخر...

              انا عايزك و محتاجلك


             ومن اجلك عشقت الكون


                   ومجنون 

               لو تفتكر لحظة
           
              انى ممكن اسيبك


                 تضيع  منى


              تضيعنى بساهل !!!!