الأربعاء، 27 أكتوبر 2010

    

                              حاجات + حاجات = حاجات


      وطن + شعب + فقر + جهل + مرض+ دكتاتورية  = استعباد

      وطن+ شعب +عدل+حرية+ ديمقرطية = حاجات كتير بنحلم بيها

      الخميس، 21 أكتوبر 2010

      عصاية فرعون

      عسكِر

      عسكِر

       يا متعوووس

       يا ما دقدق طبل على الرووس

      واها  / شاخت / باخت  ملعيبك

      وعصايتك بان فيها السوس

      عسكر

      عسكــر

      يا متعووس !
                ................

      اخرت  يا اخر (فرعون)

      ورقصت يا اجدع  (ميمون)

      روح بارك

       روح هنـي (شيمون)

      روح  لعنة ربك صيباك

       وجهنم واقفة على الباب

      وجحيمها خلقلك مخصوص

       عسكـر

      عسكـر

       يامتعووس

            ...........

       من فعلك / شعبك غضبان

       من عملك بيطاطي الرووس

       من ظلمك شعبك مفروس

       من عدلك / منك / ميئوس

             ...........

      من ظلمك هيقوم ثوار

       وف ليلك هنشق نهار

       ونزلزل عرشك
                        وندوس

        عسكر

       عسكر

        يامتعووس

      ياما دقدق طبل على الرووس

       اهاه / شاخت / باخت ملعيبك

       وعصايتك بان فيها السوس

      الاثنين، 18 أكتوبر 2010

      عوووودى يامصر : عباس يناديكى

      كل مخلوق على وجه الارض ربنا وهبه ام واحده ولكننا نحن المصريين   قد وهبنا الله بدل الام اثنتين(اى والله اثنتين) ام  خاصة وهي التى انجبت وارضعت وعلمت وكبرت وام عامة وهى ايضا انجبت وارضعت وعلمت وكبرت وبشاهدة البشرية جمعا الاموات منهم قبل الاحياء كانت ام مثالية فى غاية التفانى والتضحية والاخلاص لذلك نحن محسودين ومن جميع الخلق على هذه النعمة العظيمة

      ولكن وكما يقال(الحلو ميكملش) حيث انها وعلى مايبدو حاليا ومع مرور الايام والسنين بل والقرون وتغيرالمناخ والظروف والاوضاع والخ الخ الخ
      قد ملت من ممارسة هذا الدور, ولسوى حظى انا (اخر العنقود) بل وسوىحظوظنا جميعا اننا لم نحظا بشرف تلك البنوى الحقة لتك الام العظيمة
      بل ولم نرىمنها على الاطلاق اى شى يدل على اى امومة تذكر بل وعلى العكس تماما لم نعرف منها غير دور مراة الاب تلك المتسلطة الشريرة المتفننةوالمتلذذة بترهيب وتعذيب ابناء الزوج (وان كان زوج مشكوك فى ابوته) كنا نحن ومازلنا بنسبة لها ابناء جاحدين عائقين ناكرين للجميل والمعروف

      كل ماقد سمعناه عنها من مثالية افلاطونية  هو وبنسبة لنا : محض خيال ـ  فلكلور شعبى ـ  اساطير الاولين

      والسؤال الان هو ما سر هذا التحول السريع والفظيع والمفاجى (او كما نظن نحن انه مفاجى)
      من مثالية افلاطونية الي :  فوضة مغولية وقسوة بربرية مرضية سيكوباتية
      ساقول لكم وببساطة فتش عن الاب( اعلم اننا جميعا نعرف والامر لايحتاج الي تفتيش) ولكننا سوف نفعل ذلك ولوعلى سبيل اختلاق الاعزار والموبررات و التصالح مع النفس
      نحن نعلم وبيقين صادق ان كل ما كان بين تلك المسكينة( نعم مسكينة) البائسة وبين ذلك العربيد السكير الذى لطالما راينه جميعا وهوعائد عند الفجر يترنح ثم يركل الباب بقدم ويركلنا جميعا بالقدم الاخرى
      ماكان بينهم لم يكن ارتباط شرعى اومدنى اوحتى عرفى
      بل هو وان شئت فقل هو فحش مقنن وانتهاك مُشرع واغتصاب مُدستر سميه بما شئت ولكن في النهاية هى لم ولن تعترف به ابداً ولى لها اوعليها
      وان حدث فرغم عن انفها واردتها !
      كيف تعترف بمن اهان كرامتها وسحق ارادتها وادميتها وبتاكيد(فض بكارتها) ثم اجهز على ماتبقا من امومتها
      بحيث انها امست مجرد مسخ لافائد منها ولاطائل

      السؤال الاخير هنا  هل كان للابناء دور يذكر فى تلك الماساه الاغريقية
      اسمحو لى وبما اننى واحد منهم ان اجيب :
      نعم كان هناك دور وللاسف لم يكن ايجابي على الاطلاق
      حيث ذهب كل واحد منا على راسه لا يلوى على شى  وان كان فينا من هم صامدون ولكنهم  للاسف الشديد قله قليلة
      وهناك منا جماعة اخرى لانستطيع اغفالها حيث انها هى التى تمسك بزمام الامور الان وعلى راسها احد الابناء الاعزاء الصالحين المخلصين والمحافظين على العهد البارين بالاب المتوسبين قطعاعلى الام المتشوقين والمتلهفين الي يوم موعود(واظنه قريب وليس ببعيد)حتى انهم تمنوا فى قرارت انفسهم (وربما فى العلن) رحيل الاب اليوم وليس غد حتى يتحرشوا ويتفحشو وينهشو لحم هذه المسكينة ان كان لايزال عليها شى من لحم
      وهذا ما جن جنونها من اجله وحينما علمت بتلك النواي الخبيثة هامت فى الدنيا على وجهها ولاندرى متى او الى اين بتحديد

      السبت، 16 أكتوبر 2010

      باب الجنة

      من يوم مالبست (الافرنجى)

      وجلعت الشال والجلابية

      ومشيت المشى (الحلمنجى)

      ونسيت الهجة الصعيدية

      ونا مش عارف !

      ايه صار بي ؟
         .........

      انا فارس

      طول عمره

      بيحلم

      بقضية

      ولا انا واخد ..  جرعة ذيادة

      ولعبت  بي

      ............

      انا طيب؟

      ذى ما بيقولو

      والا اهبل

      وضعيف شخصية

      انا مش عارف

      ...........

      انا مش عارف

      ايه افضللى

      انى اتوب

      وتوضى

      واصلى

      وطلب من ربنا يغفرلى

      علشان نفسى اكون انسان !

        ............

      انا مش عارف

      ازرع  حلم جديد

      وتمنا


      يطرح  شمس

      ويطرح  ضلة

      والا اليائس يعاود لينا

      وصحا الصبح الاقيه 

      دبلان !

      انا مش عارف

      ارجع تانى ؟

      والا استنا

      يمكن اكون

      على باب الجنة !

      يمكن اكون

      وانا مش دريان !

      انا مش عارف

      ارجع تانى

      والا استنا

      اللى باقي لى من الاحزان

      ارجع تانى

      ومسح دمعة

      والا استنا

      وولع شمعة

      والا اتركها

      ظلام  .... ف ظلام

      انا مش عارف

      الجمعة، 15 أكتوبر 2010

      طالبان .. سلام مربع ...لطالبان

      40 قتيل فى صفوف القوات المحتلة هذا الشهر فى افغانستان
      586 وهوعدد القتلى فى صفوف حلف النيتو هذا العام
      عام 210هو الاسوى منذ دخول القوات المحتلة الى افغانستان
      واشنطن تقول انها مستعدا لبذل كل ما فى وسعها لدعم جهود المصالحة مع طالبان
      كذلك حلف النيتو مستعد ايضا لتقديم كل الجهود لدعم المصالحة مع طالبان

      حقا انها عناوين مبهجة وسارة ومفرحة ومثلجة لصدورقوم مقهورين (بنسبة لى على الاقل)
       يااااااااه يا امريكة ياااااه يا امريكة يا بنت الفاجرة
      والله ولقيتى الى يقدر يكسرلك عينك ويلمك ويشفينا فيكى وفى غرورك

      طالبان......سلام مربع لطالبان
      تن ترلالام  .. تلالام
      تن ترلالام..تلالام

      طالبان
      متشكرين جدا جدا
      يا رجالة يامعلمين
      متشكرين ولو على لحظة حسستونا فيها بان احنا ماذالت عندنا
      كرامة
      ونخوة
      وشرف
      ورجولة

      الى ...الباشمهندس...والاستاذ (من حقى ابرطم)

      حد ياناس - يديه فى سداغه
      حد ياناس- يكسرله دماغه
            .........
      حد يقوللى ايش دا يكون !
      عاقل يعنى - مش مجنون
      والا احنا الي صايبنا جنان !
            ........

      والله زمنكم - زمن الموت
             باين والله
            عقب زمان

      واحد (والاف) ع الجبروت
      وواحد(والاف) ع الطغيان
          .........
      ربك ملاكه ملك (قارون)
      ربك حكمه حكم (هامان)
      لا مش ربنا !
      ربنا عادل
      مهما ان طال الظلم ف ارضه
      مهما استعبد عبد فى عبده
      ومهما يكون الشعب ضعيف
      مهما يكون الشعب...جبان
      قادر ربك
      قادر ربك ياخد دولا..وياخد دوال
      وينجينة
      مهما يجينا - من الفرعون - ابن الفرعون
      مهما اتجبر.......الانسان.......ابن الانسان
                          

      الخميس، 14 أكتوبر 2010

      نجاد فى بلاد العجايب

      هوا احمدى نجاد ده مش رئيس ايران ولا انا غلطان
      وايران دى مش برضو بتاعت حزب الله ولا انا برضو غلطان
      وحزب الله ده مش بينه وبين جماعة الحريرى مصانع الحداد
      ولا انا برضو غلطان , غلطان انا  صح  اكيد غلطان
      (سعد الريرى) مع احمدى نجاد
      سعد الحريرى بقا يعرف يلعب سياسة يا امى
      يااختى كميلة يا اختى حبيب امه
       والنبى راجل

      مش انا عملت مدونة

      (سبحان الذى سخر لنا هذا وما كنا له مقرنين)
      يا من فى بحار (النت) تغوصون فلا تغرقون
      وعلى صفحاته تدونون ولا تهدءون
      انا كل صلتى بالنت لم تتعدا الشهور
      فعذرونى ثما اعذرونى
      فعقلى مشتت وفكرى مفتت بفعل السكوت
      عندى مخطط جاى فى الطريق
      فى جوفى كلام  :  اموت لويموت  بفعل السكوت
      كلامى  مهلهل ولكن ...لحين

                     ...............

      ملحوظة

            (انا  لكم الوقت حتى تطوفا بكل هذا العالم)
       فا انا مثلا من اول ما بصحا لغايت ما انا م وانا
      قدامك يا نت (فا انا ولله الحمد شبه عاطل هذه الايام)
      ومعا ذلك بيبقا عندى ستوميت حاجة عايز اوصل لها
      وفى النهاية بترسى على نص حاجة او حاجة بالكتير
      (فضل ونعمة احنا كنا فين وبقينا فين)

      .                ...............

      اصاحبى بيقولو ان انا اتجننت  (من ذمان بيقولو كدة برضه)
      بس المرة دى زودوها حبتين   بس انا كمان غلطان 
      علشان كل ما حد فيهم يسال علي اقول له : اسكت   مش انا عملت مدونة على النت
      مش انا عملت مدونة على النت (ايه الهبل ده)
      ما علينا المهم من زمان وانا كنت عارف ان ده هيحصل هيحصل
      بس كنت بحاول اتجاهل النت بقدر الامكان يعنى كدة بكتاب بقصيدة جديدة تخرب الدنيا هههه
      ندوة فاضية على كام امسية بيخين لحد ما وقعت فى النت والمقدر حصل وربك يستر

      الثلاثاء، 12 أكتوبر 2010

      ايشى غزال يا ناس

      عينى عليك باردة
      النبى حارسك وصاينك  ياكبييير
       ايه ده كله ايه ده كله    
      ايشى غزال يا ناس!                        
      اجتماعات وقرارات ,سفريات ومباحثات,لقاءت بزعامات  قمم قمم معزة على غنم
      بطل يا خوتى بطل
      امال الدهن فى العتاقى 

      والى كرباجه بيلسع ميتخفش عليه
      وعلى راى المثل برضو اللى روحى فى ايده
      اناعبده وهو سيدى


      ولا اركم الله مكروه  فى عزيز لديكم

      ملحوظة
      ولا عزا لولى العهد

      الأحد، 10 أكتوبر 2010

      لماذة انا مدون؟

      منذ ان علمت بان هناك شى يسما تدوين وانا فى غاية الدهشة
      ولاكننى وللاسف ماذالت اخطونفس  خطواتى الاولة فى عالم النت
      وماذلنا ايضا عند نفس السوال لماذة انا مدون؟
       انني وببساطة يااعزائى مريض ومرضى عضال
      عافانى الله وعافاكم انه حب الكتابة يا اخوانى والكتابة بنسبة لى هى(فن البوح)
      وفن البوح يلذمه الصدق
      والصدق يحتاج الى شجاعة
      والشجاعة فى حاجة الى القلم
      والقلم لابد له من عقل يرشده
      والعقل فى حاجة الي فكر
      والفكرمنبعه الهم
      اما الهم فاهوا بضاعة رائجة ما اكثرها فى هذه الوطن التعيس
      لذلك اعتقد اننى مدون
      وارجو ان اكون بصدق