الخميس، 28 يوليو، 2011

علشان يكونلك فى البلاد وطن !

                         
                                                         
                                                   
                                         ( مجموع )

                             فى الشارع اللى ملوش عنوان

                              الشارع اللى فى اخره ميدان 

                                      صرخ الولد  

                                        ف ليل غضبان

                                         صوت الولد
     
                                         هذ الاركان  !

                                    
                               خلف وراه مليون بركان

                           زلزل عروش وجيوش طُغيان


                                             
                                     ( صوت )

                         صادق وهوا بينادى على الجدعان

                        ـ  خايلة فيه يا ( بدلة ) الفرسان !

                   " لا ف أيده سيف ولا تحت منه حصان "

                   ـ  بس كان بايع ... واد ابن جن ... شيطان     

       حالف بربه مايرجعلِك وهوا مهزوم تانى  يا .... ضحكة الاوطان


                                    ( مجموع )

                             فى الشارع اللى ملوش عنوان

                         الشارع اللى فى اخره ميدان



                 صلا صلاة العصر  ..... " وهوا مش واجب "

                            
                 اُعصر نفوخك عصر ....وتعلم الواجب


                  يااللى بنيت القصر .... وياريتو كان عاجب !


           شوف تحت منه  ... جماجم ناس ... رافعين لك الحاجب !


                                        ( صوت )


                                  ناس عارفينا وعارفينهم


   ناس متوقعوش النصر .... معا انه كان باين على اديهم وفى عيونهم !


  ناس متوقعوش الغدر ... رغم اللى بان منكم ....ورغم اللى بان منهم


      بس اتوقعو الموت ...... على ايديكم النجسة الى سرقاهم


                                    ( مجموع ) 


                       " الورد اللى فتح فى جناينا


                 بعد ما قلنا خلاص ...  ماتت الاغصان !

                          قلب الولد ياولاد محروق 


                         حلم الولد ياولاد مسروق


                     سرقو خسيس  ـ ولئيم ـ وجبان


                                   ( صوت )    
  
                  فى الشارع اللى ملوش عنوان


                   الشارع اللى فى اخره ميدان


                             انا شُفت ناس


                                ورا  ناس


                                ورا ناس


   يوم ما يحس بيهم ليل يجرى يتخبى فى ظهر الصبح عريان

                       ولا حد يعرف يزعلهم

                       ولا حد يقدر يراضيهم

                     ولا حد  يعرف يرجعهم


                     ولا حد يقدر يوديهم !



             شوف بقا جبروتك عمل ايه فيهم !



  دول ياعم الحاج عشقهم تراب الارض ... وهما كمان عاشقينه !


    دول ياعم  .... العشق من دينهم ... وهما من دينه

                  
                    ناس مش بتوع 

                  ـ طيب هتدفع كام !


                ناس يحكمو وينفزو الاحكام !

روؤسهم بقيت على كفوفهم ... قدموها هدية " لصاحبة السلطان " 


                            ( مجموع )


                فى الشارع اللى ملوش عنوان

              فى الشارع اللى فى اخره ميدان

                     ناسنا وعارفينهم

                    ولو انتا مش شايف !


                       احنا شايفيتهم


        " أرواحهم " تركت مكان خالى ف وطنهم


    لجل اللى نفسه يعيش وهوا مش لاقى فى البلاد ... وطن !


                عرفت احنا ليه لسا فاكرينهم ؟

                        شهداءنا  يا ريس


                  شهداءنا  يا ريس وعايزينهم


                       تعرف  ترجعهم ؟؟؟

                 تقدر  ترجعهم لنا  تانى !!!!!!



                             (صوت )


           عرفت انتا ليه مش من حقك تعيش تانى !


              حتى الموت اللى انتا مش طايله .....

                     حرام يتوهب  لجبان


                              (مجموع )


               فى الشارع اللى ملوش عنوان

               الشارع اللى فى اخره ميدان

                   صوت الولد 

                      هذ الاركان


                     صرخ الولد


                    فى ليل غضبان


            زلزل عروش وجيوش طغيان !
                    

الجمعة، 22 يوليو، 2011

نافذة لم تعود تطلُ على شىء !

                           
                    
                                         رجاء

من فضلَك توقفى الان وفوراً عن ابداء هذه المشاعر الانسانية 

السخيفة ، فانا لا احتاج لا الى شفقة او أسف وحينما أكون محتاج

فابتاكيد سوف اطلب ذلك .

 
على العموم هذه مشاكلى وحدى وانا الذى سوف يتحمل نتائجها

و ليس جديد ان اخبرك اننى اعرف جيداً بان من حكم على بالسجن الانفرادى ومدى الحياة فى جوف هذا العالم المظلم  

 ليس أنتى بتاكيد  .

بل انا من فعل ويفعل وسوف يفعل بى كل ذلك ، لاننى وببساطة 

لم أُعد اقدر على ايقاف هذه الالة ( القلب ) التى لا تكف 

ولوللحظة واحده عن صنع المرارة والالم




                 شكر وامتنان ....

عزائى الوحيد وسلواى الكبيرة هى تلك النافذة الصغير التى 

تركتيها لى فى زنزانتى المُظلمة ، حتى وأن كانت لم تعود تطلُ 

على شى !

الخميس، 21 يوليو، 2011

نبلة الصياد


                       


                    ذات مساء بعيد

        حطت على نافذتى المُهمشة

               يمامة " مُزركشة "

         وفى الصباح المُكلل بالغيوم

       راحت تنقُر الزجاج المبلل بالنداء

                 سألتنى الرحيل

       فاؤمئت برئسى غير مكترث لها

            وحين اكتشفت غيابها .....

             ونافذة صماء خاوية

        انتفض الشوق فى العروق البالية

        ورُحت اُراقب الفضاء البعيد

              وزات مساء وحيد

               رايتها من جديد

               تحط على النافذة

                  كانت مُجهدة 

               ومُثخنة بالجروح

           رأيتها تُسلم الروُح ..... بغير عناد

           وبين جناحيها المُرتخيان

      كانت ظاهرة ...... " نبلة " صياد


نبلة = سهم

الأربعاء، 20 يوليو، 2011

أمى

                                    

كثيرا ما أشعر بدهشة واسغراب شديد كلما تذكرت وفجاْ اننى لست الابن الوحيد لهذه المراءة

                               واتسائل  ـ هل هى  حقاً تعرف  ذلك !!!!!!!!!!

الأحد، 17 يوليو، 2011

رسائل قصيرة

                      

                                  المشلوع

 يا ترى لو رجع بيك الزمان ثلاثين سنة لورا  كنت هتعمل نفس اللى عملتو تانى  ؟ .




                             

                                     حبيب قلب عشماوى

على فكرة   فيك شبه من " الحجاج بن يوسف الثقفى " انتو الاتنين اشتريتو الدنيا بالاخرة

                 والمُثير فى الموضوع بقا ان الدنيا   استرخصت الثمن !!!!!!!







    
اهمد ايز

عارف بتفكرنى بمين حضرتك ؟

احمد ابو كامل فى فيلم " شادر السمك "

 

     المجلس العسكرى
أمشى عدال يحتار عدوك فيك  


 
   جماعة الاخوان 
نحن نعتبر انكم ماذالتم  مندهشين والى الان مذهولين ونحن بدورنا نرجو ذلك ان لايطول



  القوى السياسية ( الدنكوشوتية )

  بلاش عياط ومرمغة فى تراب الشارع وانا اوعدكم ان بابا هياكلكم من الشوك


                                                            
                                                                   
                                      دكتور " عيصام                          
                                                      
                            تعاطقك لوحدو مش كفاية يادكترة




                                          "  فتا الفتيان "                


   حضرتك وبكل صدق وامانة " الحصان الاسود فى هذه الليلة المباركة "

                فلولا براك بامك ما استماتت حتى توليك الامر

  ولولا قوة شخصيتك وتاثيرك على والدك ما اطاعك وثار خلفك الى جهنم !

    ولولا الثقة والامان والعطف والاحسان الذين منحتهم لرجال اعمالك

           ما كانو اشعلوها فساد وعناد او تجبرو فى الارض

لولاك ياسيدى ما كانت لتشرق شمس النهار ولولاك ماكان الشعب ثار !