الخميس، 28 يوليو، 2011

علشان يكونلك فى البلاد وطن !

                         
                                                         
                                                   
                                         ( مجموع )

                             فى الشارع اللى ملوش عنوان

                              الشارع اللى فى اخره ميدان 

                                      صرخ الولد  

                                        ف ليل غضبان

                                         صوت الولد
     
                                         هذ الاركان  !

                                    
                               خلف وراه مليون بركان

                           زلزل عروش وجيوش طُغيان


                                             
                                     ( صوت )

                         صادق وهوا بينادى على الجدعان

                        ـ  خايلة فيه يا ( بدلة ) الفرسان !

                   " لا ف أيده سيف ولا تحت منه حصان "

                   ـ  بس كان بايع ... واد ابن جن ... شيطان     

       حالف بربه مايرجعلِك وهوا مهزوم تانى  يا .... ضحكة الاوطان


                                    ( مجموع )

                             فى الشارع اللى ملوش عنوان

                         الشارع اللى فى اخره ميدان



                 صلا صلاة العصر  ..... " وهوا مش واجب "

                            
                 اُعصر نفوخك عصر ....وتعلم الواجب


                  يااللى بنيت القصر .... وياريتو كان عاجب !


           شوف تحت منه  ... جماجم ناس ... رافعين لك الحاجب !


                                        ( صوت )


                                  ناس عارفينا وعارفينهم


   ناس متوقعوش النصر .... معا انه كان باين على اديهم وفى عيونهم !


  ناس متوقعوش الغدر ... رغم اللى بان منكم ....ورغم اللى بان منهم


      بس اتوقعو الموت ...... على ايديكم النجسة الى سرقاهم


                                    ( مجموع ) 


                       " الورد اللى فتح فى جناينا


                 بعد ما قلنا خلاص ...  ماتت الاغصان !

                          قلب الولد ياولاد محروق 


                         حلم الولد ياولاد مسروق


                     سرقو خسيس  ـ ولئيم ـ وجبان


                                   ( صوت )    
  
                  فى الشارع اللى ملوش عنوان


                   الشارع اللى فى اخره ميدان


                             انا شُفت ناس


                                ورا  ناس


                                ورا ناس


   يوم ما يحس بيهم ليل يجرى يتخبى فى ظهر الصبح عريان

                       ولا حد يعرف يزعلهم

                       ولا حد يقدر يراضيهم

                     ولا حد  يعرف يرجعهم


                     ولا حد يقدر يوديهم !



             شوف بقا جبروتك عمل ايه فيهم !



  دول ياعم الحاج عشقهم تراب الارض ... وهما كمان عاشقينه !


    دول ياعم  .... العشق من دينهم ... وهما من دينه

                  
                    ناس مش بتوع 

                  ـ طيب هتدفع كام !


                ناس يحكمو وينفزو الاحكام !

روؤسهم بقيت على كفوفهم ... قدموها هدية " لصاحبة السلطان " 


                            ( مجموع )


                فى الشارع اللى ملوش عنوان

              فى الشارع اللى فى اخره ميدان

                     ناسنا وعارفينهم

                    ولو انتا مش شايف !


                       احنا شايفيتهم


        " أرواحهم " تركت مكان خالى ف وطنهم


    لجل اللى نفسه يعيش وهوا مش لاقى فى البلاد ... وطن !


                عرفت احنا ليه لسا فاكرينهم ؟

                        شهداءنا  يا ريس


                  شهداءنا  يا ريس وعايزينهم


                       تعرف  ترجعهم ؟؟؟

                 تقدر  ترجعهم لنا  تانى !!!!!!



                             (صوت )


           عرفت انتا ليه مش من حقك تعيش تانى !


              حتى الموت اللى انتا مش طايله .....

                     حرام يتوهب  لجبان


                              (مجموع )


               فى الشارع اللى ملوش عنوان

               الشارع اللى فى اخره ميدان

                   صوت الولد 

                      هذ الاركان


                     صرخ الولد


                    فى ليل غضبان


            زلزل عروش وجيوش طغيان !
                    

هناك 17 تعليقًا:

غير معرف يقول...

ياااااه بجد تصفيق حاااااد
رائعه جداً يا عباس في الشارع اللي مالوش عنوان اللي آخره ميدان...الحق بان و خلاص معندش يبقى في خوف و لا مكان لكل ندل و جبان...جميله و نفسي أسمعها صوت هتبقى أروع.
كل سنه و إنت طيب و بألف خير رمضان كريم عليك و على كل حبايبك :)


شيرين سامي

كريمة سندي يقول...

ترنيمة رائعة ومثالية وقوية الكلمات .. جميلة والله

كل عام وأنت بخير

mira@ يقول...

تستاهل يترفعلها القبعه
دي نقلتني من مكاني لمكان تاني خالص
وانا بقرأها صوتي شويه شويه بيعلى
بجد رائعه
رمضان كريم وكل سنه وانت طيب

عباس ابن فرناس يقول...

شرين
فكرة الصوت اكيد هتكون افضل كتير من الكتابة وخصوصا فى شعر العامية لانه المفروض انه يتسمع افضل من انه يكتب وهحاول انفذها باذن الله
متشكر على الفكرة
وكل سنة ونتى بخير

عباس ابن فرناس يقول...

كريمة السندى

كل سنة ونتى طيبة

عباس ابن فرناس يقول...

أميرة
الله يخليكى
وكل سنة ونتى طيبة

عباس ابن فرناس يقول...

أميرة

الله يخليكى
وكل سنة ونتى طيبة

سواح في ملك اللــــــــــــــــــه- يقول...

ايه ياعم عبس الجمال ده

الله ينور عليك

تحيتي

reemaas يقول...

واااااااااااااااااااااااااو

جميييييييييييييله جدا ياعبس الحقيقه

انا لاقتنى بغنيها وبتخيل صوت وبتخيل مجموعه

Tarkieb يقول...

شديد ....ويا خسارة شارع كله احداث وبدون عنوان لسة

عباس ابن فرناس يقول...

سواح
وعليك يامعلم
كل سنة ونتا طيب

عباس ابن فرناس يقول...

ريماس
يسعدنى طبعا اتك حستيها يانور
كل سنة ونتى طيبة

عباس ابن فرناس يقول...

تركيب
بالعكس اما شايف انه من الافضل ان مش يكون له عنوان
بمعنى ان يكون عنوانه هو مصر كلها مش حد اوفصيل معين
وكل سنة ونتا طيب

جايدا العزيزي يقول...

الله على الابداع

رائعه




• رمضان كريم •٠·˙۩•٠·˙۩۩˙·٠• ۩˙·٠•رمضان كريم •٠·˙۩ ٠·˙۩ •٠·˙۩۩˙·٠• ۩˙·٠• رمضان كريم •٠·˙۩•٠·˙۩۩˙·٠• ۩˙·٠•رمضان كريم •٠·˙۩ ٠·˙۩ •٠·˙۩۩˙·٠•

كل سنه وانت دايما بخير

تحياتى

Ramy يقول...

كل سنة و انت طيب يا عبس (:

رمضان كريييييم

(:

عباس ابن فرناس يقول...

جايدا العزيزى

كل ستة ونتى طيبة
وبصحة وبسلامة

عباس ابن فرناس يقول...

رامى

كل سنة ونتا يخير
وبصحة وبسلام