الخميس، 4 أغسطس، 2011

مين اللى ما يحبش رمضان


                                         
بلا شك ان كل بلد اسلامى له طقوصه الخاصة فى شهر رمضان اما مصر ودونا عن البلاد فلها برمضان طقوص وعلاقة خاصة ومميزة جداً (و بطبع لا يمنع ذلك من ان يكون كل بلد اوشعب يعتقد فى نفسه هذا الاعتقاد ! ) .

وبتاكيد ان كل الناس بتحب شهر رمضان ، ومتهيئالى ما ينفعش نقول مين مابيحبش رمضان !  حتى اللى مش بيصوم بيحب رمضان !

طيب ايه الحلوفى مضان قصدى ايه احلى حاجة فى رمضان(مش بتكلم عن المسلسلات 

طيب هوا ليه شكل الغروب بيكون اجمل فى رمضان ؟
وليه خواطر الشعراوى بتكون ليها هيبة وجلال اكبر فى رمضان " وخصوصا لما تسمع موسيقى المقدمة تحس انك بتسمع السلام الوطنى مثلا !"
وليه لما تحب تفكر واحد صاحبك بموضوع وتقوله كان فى رمضان يفتكر على طول وليه بتفتقد اصحابك اكتر فى رمضان ، وحتى لما تكونه متخاصمين غالبا بتتصالحو فى رمضان واجمل زكرياتكم  مش كانت فى رمضان ! .

 انا من جيل الكنافة الشعر وفوازير " فطوطة وسمورة " والف ليلة وليلة " ريمة
ومشكاح " وبالمناسبة جيل يتميزانه جه فى مرحلة تعتبر انتقالية وعلى اكتر من مستوى
" الغا ساتة ابتدائى مثلا " جيل "اكثم بتاع الزلزال " ومشروع توشكى العظيم ـ واخترناه ـ اخترناه وعلشان كدا ـ احنا اخترناه !
احم ..... مروارا طبعا بتكسى السهرة واليوم المفتوح  واساسا لورجعنا من الاول التلفزيون كان بيقفل الساعة اتناشر الليل ويقفل ساعتين كمان بعد الضهر ! ومع ذلك الحاجات دى كانت بنسبة لينا شى عظيم وطبعا مكناش نحلم ان يكون لينا عمر ونشوف حاجة زى الانترنت مثلا ، الحاجات دى كانت بنسبة لينا من علامات الساعة

اعتقد اننا اخر جيل لعب الكورة الشراب فى رمضان ولعب بفوانيس مصرية 
فى رمضان " حتى وان كانت عبار عن زجاجة زيت وجواها شمعة "

بنسبة لينا ليلة القدر كانت هى المصباح السحرى اللى كلنا بنحلم بيه
معلش بقا رمضان يحب الرغى ولذلك احب اختم الرغاوى دى بالمقولة الاثيرة لكل جيل : رمضان على ايامنا كان احلى !
بس راي انا ان رمضان اكيد هو : اجمل واحلى ايام فى حياة كل انسان

ملحوظة : الحاجة الوحيدة اللى بتخنقنى فى رمضان هى اغنية شريفة فاضل وخصوصا لما يبتدو يزيعوها من يوم عشرين بيتلككوعلشان ينزلو ببضاعة العيد بدرى بدرى

                               كل سنة ونتو منورين
                                    ورمضان كريم
                                    

هناك 18 تعليقًا:

Ramy يقول...

كل سنة و انت طيب يا نجم

رمضان ليه ذكريات جميله مع كل الناس

فكرتنى باللذى مضى

(:

احنا نفس الجيل بقى (:

رمضان كريييييم

جايدا العزيزي يقول...

طبعا عبس رمضان فى مصر مختلف

رمضان اللمه التعاون الرحمه

عبرت اخى فابدعت

كل عام وانت بخير

رمضان كريم

تحياتى

سواح في ملك اللــــــــــــــــــه- يقول...

كل سنة وانت طيب ياعبس

كريمة سندي يقول...

جميل جدا .. أن يكون جيلنا الجيل الفذ المفتخر بما كان من ذكريات أكثر من رائعة .. سلمت الأنامل وكل عام وأنت بخير

عباس ابن فرناس يقول...

رامى

جيل ميتعوضش صح هههه
كل سنة ونتا طيب يارميو

عباس ابن فرناس يقول...

سواح
ونتا بصحة وبخير وسلامة يامعلم

عباس ابن فرناس يقول...

جايدا

كل حاجة فى مصر ليها طعم مختلف
مش بس رمضان
كل سنة ونتى طيبة

عباس ابن فرناس يقول...

كريمة السندى

ما انا بقول كدا برضو
جيل مميز ههههه
كل سنة ونتى بخير وسلامة

norahaty يقول...

ذكريات جميلة اوى
جمعتها على بعضها كده
خلتنا لفينا معاها شوية
الكنافة الشعر كانت بتتباع
فقط وخلى بالك من فقط يعنى
(((((((((((حصريا))))))))))))
عند عرفة الكنافنى فى السيدة
زينب واللى عايز ياكل يتفضل
يحجز دوره فى الطابور بعد
صلاة الفجر!!!!

reemaas يقول...

ايوووووووون طبعا يا عبس رمضان على ايامنا كان احلى

بس احلى مش تحيز لايامنا لا علشان احنا كنا ايامها اطفال وكان اللعب بالفوانيس احلى ما فى الدنيا

دلوقتى لعب الاطفال حتى اتغير

وبجمله التحيز بقى

الجيل الانتقالى ده والله جيل جدع جدااااااااا ومظلوم جدا

ورمضان فى مصر فعلا غير تحيز وبشهادة كل البلاد

طالبة مقهورة ..درجة أولى يقول...

لا ع فكرة انا كمان لعبت كورة شراب :D
كل سنة وانت طيب ويارب يتقبل مننا جميعا

عباس ابن فرناس يقول...

norahaty

دكتورة نورهان

يامرحبا يامرحبا
وصى علينا الحاج عرفة ونبى هههه
كل سنة ونتى طيبة يادكتورة

عباس ابن فرناس يقول...

reemaas
انا بقول كدا بس محدش مصدقنى هههه
كل سنة ونتى طيبة ياريمو

عباس ابن فرناس يقول...

طالبة مقهورة
اولا حمدالله ع السلامة
ثانيا مبروك النجاح
ثالثا خلصتى صيانة فى التعليقات ولا لسة
رابعا كل سنة ونتى طيبة يا رضوى

حلم يقول...

كل سنة وانت الى الله اقرب
فعلا اخي ايام رمضان لها جمالية خاصة
بارك الله فيك يا طيب

Carmen يقول...

كل سنة وانت بخير :)

عباس ابن فرناس يقول...

حلم
شهر عظيم
ملى بالنفحات
ربنا يكرمنا بحسناته
كل سنة ونتى طيبة

عباس ابن فرناس يقول...

كارمن
كل سنة ونتى بالف خير وسلامة
تحياتى المستعطرة