السبت، 16 أكتوبر، 2010

باب الجنة

من يوم مالبست (الافرنجى)

وجلعت الشال والجلابية

ومشيت المشى (الحلمنجى)

ونسيت الهجة الصعيدية

ونا مش عارف !

ايه صار بي ؟
   .........

انا فارس

طول عمره

بيحلم

بقضية

ولا انا واخد ..  جرعة ذيادة

ولعبت  بي

............

انا طيب؟

ذى ما بيقولو

والا اهبل

وضعيف شخصية

انا مش عارف

...........

انا مش عارف

ايه افضللى

انى اتوب

وتوضى

واصلى

وطلب من ربنا يغفرلى

علشان نفسى اكون انسان !

  ............

انا مش عارف

ازرع  حلم جديد

وتمنا


يطرح  شمس

ويطرح  ضلة

والا اليائس يعاود لينا

وصحا الصبح الاقيه 

دبلان !

انا مش عارف

ارجع تانى ؟

والا استنا

يمكن اكون

على باب الجنة !

يمكن اكون

وانا مش دريان !

انا مش عارف

ارجع تانى

والا استنا

اللى باقي لى من الاحزان

ارجع تانى

ومسح دمعة

والا استنا

وولع شمعة

والا اتركها

ظلام  .... ف ظلام

انا مش عارف

هناك 8 تعليقات:

sal يقول...

كلام جميييل وكلام معقووول

تأنى فى الكتابة عشان النطق باللهجة العامية محتاج
شوية ظبط

مثلا انت كاتب

وطلب من ربنا يغفرلى

والافضل تزود حرف الف فى الاول
واطلب من ربنا يغفر لى

ونفس الحكاية فى


وصحا الصبح الاقيه

تبقى ...واصحا


اتمنى لك التوفيق

جمهورية فوضى يقول...

اعمل أى حاجه بس المهم متسبهاش ظلام فى ظلام

عباس بن فرناس يقول...

SAL
كويس انى لقيت حد يعينى على بلوتى العمية عويصة حبتين مش معنا كدة ان انا فتك فى الفصحة
انا سعيد ان عرفت مستشار لغوى ممتاز زى حضرتك

عباس بن فرناس يقول...

جمهورية فوضى

عمرها ما هتكون ظلام

لانك منوراها

sal يقول...

يا عم عباس
ان نصحتك لوجه الله وبظهر الغيب
متمنيا لك الاجادة
ومش طمعان فى وظيفة

هههههه

تحياتى

Dr/ walaa salah يقول...

كلماتك جميله اوي يا عباس وطبيعيه اوي وده اللي محليها


في انتظار جديدك

الغاردينيا يقول...

جرب تولع شمعة ... :)

احببتها جدااااااااااااا

الغاردينيا يقول...

ونسيت الهجة الصعيدية = اللهجه

ذياده = زياده

وتوضا = واتوضأ

واصلى = واصلي ياء هنا ومش الف مقصورة

وتمنا = اتمنى

وصحا الصبح الاقيه = واصحى

دبلان = ذبلان

استنا = استنى