الخميس، 21 أكتوبر، 2010

عصاية فرعون

عسكِر

عسكِر

 يا متعوووس

 يا ما دقدق طبل على الرووس

واها  / شاخت / باخت  ملعيبك

وعصايتك بان فيها السوس

عسكر

عسكــر

يا متعووس !
          ................

اخرت  يا اخر (فرعون)

ورقصت يا اجدع  (ميمون)

روح بارك

 روح هنـي (شيمون)

روح  لعنة ربك صيباك

 وجهنم واقفة على الباب

وجحيمها خلقلك مخصوص

 عسكـر

عسكـر

 يامتعووس

      ...........

 من فعلك / شعبك غضبان

 من عملك بيطاطي الرووس

 من ظلمك شعبك مفروس

 من عدلك / منك / ميئوس

       ...........

من ظلمك هيقوم ثوار

 وف ليلك هنشق نهار

 ونزلزل عرشك
                  وندوس

  عسكر

 عسكر

  يامتعووس

ياما دقدق طبل على الرووس

 اهاه / شاخت / باخت ملعيبك

 وعصايتك بان فيها السوس

هناك 17 تعليقًا:

يوميات شحات يقول...

جميلة
تقبل مروري

Dr/ walaa salah يقول...

جميل اوي يا عباس بتفكرني بأحمد فؤاد نجم


مشكوووووووووووووور

sal يقول...

باخت ملعيبك

وعصايتك بان فيها السوس

حلوة الحته دى اوى

تحياتى

جمهورية فوضى يقول...

من ظلمك هيقوم ثوار
وف ليلك هنشق نهار
ونزلزل عرشك وندوس


باذن الله حيحصل

الغاردينيا يقول...

من ظلمك هيقوم ثوار
وف ليلك هنشق نهار
ونزلزل عرشك وندوس

جميلة جدا ..و بالطبع كونها باللهجة المصريه يصعب عليا ان اضع اى انتقاد فانا لست ضليعه بكل شئ
يخص اللهجة المصريه لكن الاحساس الجميل وصلني :)

لك اعطر التحيات

عباس ابن فرناس يقول...

يوميات شحات

بكل ممنونية ياعزيزى

عباس ابن فرناس يقول...

sal

انتا الاحلا

عباس ابن فرناس يقول...

جمهورية فوضى
خايف اموت قبل اليوم ده ما ييجى

عباس ابن فرناس يقول...

الغاردينيا
انتى ضليعه بطبع
وفى كل شى بالفعل
وهذه ليست مجاملة بتاكيد
ملحوظه
شعر التفعيلة سهل جدا
وما اكتبه انا هنا يعتبر شعر تفعيلة
جربى الامر وستنجحى بتاكيد

Tears يقول...

اكيد جهنم فى الاخرة بس فرعون معذبنا فى الدنيا و المفروض ناخد حقنا فيها عشان فيه فرق بين الاتكال و التواكل


تحياتي

محمد الجرايحى يقول...

هانت وبانت

سواح في ملك الله- يقول...

واللهي يابن فرناس باين عليك فعلا مش حتلق اليوم ده من تحتمس لرمسيس ياقلبي لاتحزن

عباس ابن فرناس يقول...

تريز
صح كلامك
بس ده مهما كان فرعون برضو مش اى حدت
تحياتى

عباس ابن فرناس يقول...

محمد الجرايحى
يااهلا بيك
ربنا يبشرك بالخير

عباس ابن فرناس يقول...

سواح
ربنا يبشرك بالخير انتا كمان
تحياتى

خلاصة الكلام يقول...

كلام صادق ومعبر
جزاك الله خيرا

عباس ابن فرناس يقول...

خلاصة الكلام اشكرك
وارجو من الله ان اكون صادق بحق