الأحد، 11 ديسمبر، 2011

تضيع منى !

        
               
        النسيم بيرقص ع الشجر ويغنى للاغصان

         والندى على الببان مستنى ... فرحان



 وانتا ماشى ودمعتك على الخدود ليه ـ بتسابق الاحزان !!!

                         .....

                   كل ليل وليه اخر


                 كل صبح وليه اوان


                مسير الفجر هيشقشق


              والشمس لابد يوم هتبان

                وترجع بسمتك تانى


                وتعلا ضحكتك تانى

           وتغازل قلب مجروح وبيعافر


             علشان مايموتش من تانى


             حلم مزروع فى شريانى


  حالف ما يرتوى غير من كفك ـ الشهد / اللى خلانى


                 اغرق وانا عطشان


                 واعطش وانا غرقان


                         ........

                  

       بايدك تعدينا  بحور الياس والخوف 


             بايدك تطلعنا لسابع سما

             نعود " للجنة " ونشوف

             شجرة " الخلد " من تانى


                   ولانعانى

              باب السكة معروف


                    بايدك


              نوفر على روحنا


       مشاوير ما ليها اول .... ولا اخر


                   من الاخر...

              انا عايزك و محتاجلك


             ومن اجلك عشقت الكون


                   ومجنون 

               لو تفتكر لحظة
           
              انى ممكن اسيبك


                 تضيع  منى


              تضيعنى بساهل !!!!


    

هناك 6 تعليقات:

هبة فاروق يقول...

صباحك فل يا عبس
حلو شعرك فيه تفاؤل ..فيه امل
سعيده انى بدات يومى بهذه الكلمات الجميله

سواح في ملك اللــــــــــــــــــه- يقول...

جميل ياعبس

كنت فين ياعم

نحن نحتاج المزيد من اشعارك ياصديقي

تحيتي

reemaas يقول...

كل ليل وليه اخر


كل صبح وليه اوان


مسير الفجر هيشقشق


والشمس لابد يوم هتبان

وترجع بسمتك تانى


وتعلا ضحكتك تانى

اى الكلام اللى كله تفاؤل ده

:)

عباس ابن فرناس يقول...

صباحك ياسمبن ياهبة

وربنا يدوم عليكى السعادة

عباس ابن فرناس يقول...

سواح

موجود ياصديقى وتحت امرك

بس انتا تامر

عباس ابن فرناس يقول...

ريماس

ياريت الحكاية تكون حكاية كلام

سيبك انتى

المهم انك نروتى البلوجر تانى