الأحد، 28 نوفمبر، 2010

ظرف زمان

   


                        هنا مقص   وهنا مقص

                  هنا عرايس   بى تترص


                               قرب

                              جرب

                                يلا 


                              وبص

                        
                    وقبل ما تقرا رموز "النص" 


                    تعرف تعمل دادا ـــــــــ بان

                    تعرف تعمل بغبا ــــــــ غان

                    تعرف تبقا خسيس .... وجبان

                   تاخد جايزت... لامريـ  ــــ كان

                    جايزة  كبيييييييره للاعيان !

                     للى هيخلى فى بيته مكان

                             او يتمشى

                       فى ظرف ــــــ زمان

                        وان ما حصلشى ؟

                         وان ماحصلشى !

                           ماهتفضلشى

                      يخدك موتك بالأحضان !!!

                      واللى هيخلف فى الأوزان ؟

                     يبقا حصله فى مخه ـــــ جنان

                      يبقااتحدى السوبر ــــــــ مان

                              واللى تقوله ؟

                           واللى تقوله يقولك

                         هوووووووووووووس


                       هنا مقص    وهنا مقص 


                        هنا عرايس بى تترص


                               زى بلادك

                              ملهاش حس

                             جت فى النص 


                              وتاهت بينا

                              وحنا بنسأل

                             عن حوارينا

                             وعن أرضينا

                              عن احلامنا 

                              وعن أغانينا


                              جينا ورحنا

                              ورحنا وجينا

                               وليل الغربة

                               الساكن فينا 

                               حالف ليبدد

                                فى مدينة

                               قلبها ميت 

                             عمره ماحس


                      وهنا مقص   وهنا مقص

                       هنا عرايس بى تترص

                        واحنا بنعرف نحكى

                                 وبس

                          احنا بنعرف نشكى

                                 وبس

                           احنا بنعرف نبكى

                                 وبس

                           و احنا فى هامش

                              بره " النص"


                     وهنا مقص     وهنا مقص

                       وحنا عرايس بى تترص
                                  
                                      



                      



هناك 34 تعليقًا:

sal يقول...

الله عليك يا عباس

بجد روعة
مظبوطة وموزونة
ومضمونها جمييييل

امتى حنطلع بره الحاشية
ونبقى جزء اصيل م النص
تحياتى وتقديرى

جايدا العزيزي يقول...

واحنا بنعرف نحكى

وبس

احنا بنعرف نشكى

وبس

احنا بنعرف نبكى

وبس

و احنا فى هامش

بره " النص"

------------------------------------------------

الله عليك اخى عباس بجد روعه

حقا اندهش من تمكنك

واشعر ان الحرف فىيدك كالصلصال

تشكله كيفما تشاء

حلووووووووووة جدا

ربنا يبارك فيك اخى

تحياتى

Haytham Alsayes يقول...

احنا عرايس بتترص
دى الخلاصة ياعباس

شوفت امبارح ؟؟
مش عارف اقول ايه
حسبنا الله وعم الوكيل

تحياتي

شيرين سامي يقول...

بتفاجأني بأفكارك الجديده و كلماتك الموزونه في الوزن و المعنى انت حقيقي موهوب جداً ماشاء الله
واحنا بنعرف نحكى


وبس


احنا بنعرف نشكى


وبس


احنا بنعرف نبكى


وبس


و احنا فى هامش


بره " النص"


للأسف انت وصفت حالنا كعرب بالظبط:(
تحياتي ليك

Tears يقول...

احنا اللى وصلنا نفسنا لكده و الشعب ده بجد يستاهل كده و اكتر

karmen يقول...

الله عليك استاذ عباس
رائعة رائعة رائعة
تسلم ايدك وفكرك

واحنا بنعرف نحكى
وبس
احنا بنعرف نشكى
وبس
احنا بنعرف نبكى
وبس
و احنا فى هامش
بره " النص"


نهاية معبرة فاقت كل وصف
تقبل خالص احترامي

خواطري مع الحياة يقول...

السلام عليكم
بجد جميلة جدا
دنا كنت بغنيها مش بقرئها
ضبطها تمام
كل مره اكتشف فيك شي جديد
روعة فاقت الوصف
تقبل مروري
سلامي ليك ولافكارك ولقلمك الذي كتب اروع الكلمات.

هبة فاروق يقول...

كلمات تحفة بجد تحفة وفيها مضمون واضح صحيح هو محزن
لينا بس دة واقع ولازم نعترف بية اننا برة النص
اسلوبك خطيييير مشكور يا سيادة الريس

محمود(باحث عن حب) يقول...

عباس
جميله
كلماتك
رائعه
متالقه
تمامممووووز

سواح في ملك الله- يقول...

انت صح ياعباس انت صح

رائعه من روائعك بتلخص الخيبة اللي احنا فيها
بحييك ياعبس

reemaas يقول...

بجد جميييييييييييييييييييلة روعه يا عباس

أرواح يقول...

رغم أن الحديث يرقُص ويغني
إلا أن الرسائل في كل سطر حادة جداً

عباس ابن فرناس يقول...

سال
سوالك بسيط
لكن اجابته شبه مستحيلة !

عباس ابن فرناس يقول...

جايدا
ممنون ليكى بجد

عباس ابن فرناس يقول...

هيثم السايس
قول حسبى الله
وحسب
تحياتى

عباس ابن فرناس يقول...

شرين
مع ان وصفى لهذا الحال
كان من حوالى عشر سنين
ومع زلك لم يتغير !
وان كان هناك تغير فاللاسواء بالتاكيد

عباس ابن فرناس يقول...

تريز
فعلاً احنا اللى وصلنا نفسنا لكدا
بس مش عارف ان كنا نستاهل ولا لا

تحيتى

عباس ابن فرناس يقول...

كارمن
اشكرك
وكل النهايات
المولمة اصبحت معبرة
تحياتى

عباس ابن فرناس يقول...

خواطرى مع الحياة

وعليكم السلام ورحمة الله

سعيد بيكى وبكتشفاتك هههه
بجد انا متشكر
تحياى

عباس ابن فرناس يقول...

هبة فاروق
هو واقع فعلاُ
وسواء اعترفنا او لم نعترف لن يتغير
من الامر شى
تحياتى

عباس ابن فرناس يقول...

محمود

جميلة ايضاُ

زيارتك
تحياتى

عباس ابن فرناس يقول...

سواح
كنت اتمنا
انى اكون غلط
بس المشكلة انى صح !
تحياتى

عباس ابن فرناس يقول...

ريمو
انتى الاروع
نورتينى

عباس ابن فرناس يقول...

ارواح

هى رقصة
بس رقصت يأس وموت !

شرفتنى بالزيارة
تحياتى

خاتون يقول...

السلام عليكم
بعد قراءة هذا النص المفعم بالإبداع و القيمة
أرفع قبعتي المجازية تحيتا لكاتب مثل هذاالشعر
المبدع والساخر
موفق وإن شاء الله تتاح لك فرصت
طباعت ديوان من هذا النوع
^_^

Dr/ walaa salah يقول...

بجد كلامك المره دي يا عباس احزنني اوي

بصراحه صعب علينا حالنا ومش عارفه هنفضل على كده لغاية امتى

كلامك بجد جميل وبيمس الواقع اوي

مشكور يا عباس

eng_semsem يقول...

جميله وحكت كتير فينا بس كتير علينا ان احنا نستحمل كل ده وخلاص زهقنا وهنقطع الحبل ونرص نفسنا بايدينا بكره احسن ان شاء الله

عباس ابن فرناس يقول...

خاتون
اسعدنى التعليق
واسعدتنى اكثر
زيارتك الجميلة
تحياتى

عباس ابن فرناس يقول...

د / ولاء

انا اسف !

تصدقى انا ببقا نفسى اكتب شى مُُبشر
بس بلاقينى خصب عنى طرشت كلام زى كدا

تحياتى

عباس ابن فرناس يقول...

اسامة

احنا مايكترش علينا حاجة يا باشمهدس هههه

وعلى رايك هنقطع الحبال ونرص نفسنا بنفسنا

بس متهيئالى اننا قطعنها من زمان

تحية عطرة

Samoura يقول...

ههههه
شكلك متابع في السياسة زي

والله انا كنت لسه بقول كدا
مع نفسي نعرف نشكي ونهمس بس
لكن نتكلم حرام

جميلة جدا يا عباس
مضمون ومعني ووزن

تحياتي يا مبدع
وللصدفة انا كاتب مقال بنفس المعني
مش بقولك شكلنا متابعين زي بعض!

عباس ابن فرناس يقول...

والله ياعزيزى

انا مش متابع ولاحاجة

دى هي واللى متبعانى !

وقرفانى ومطهقانى فى عيشتى

ومش انا لوحدى طبعاً

كلنا على اد الحال
قرايت مقالك على فكرة
ومش صدفة ولاحاجة لاننا مبنخترعش
لان الحال واحد والبلد وحدا
تحياتى

الغاردينيا يقول...

تجنن

حبيتها جداا

طب انا عايزة عروسه :)

هو في الصعيد في عرايس ^_^

مش عارفة ..يوم ما ازور مصر واشوف بنفسي

تحياتي

عباس ابن فرناس يقول...

احلى عروسة

لاجمل غاردينيا

وبالمناسبة مصر فيها 80 مليون عروسة

تحية مستعطرة