الأربعاء، 1 ديسمبر، 2010

العدال غالى


                                                         يابحر                              


                 يا صاحبى

                       العمر راح بينا

                       ولسانا وحدينا

                                 لسانا بنسافر

              لسانا بنعافر


            فى اللى ماهوش لينا

                                                                       .........

                                      كان نفسى ياصاحبى


                
                             نزرع طريق لقلوبنا

                                      ترسى مراكبنا


                                                       يمت اهالينا


                                                                        ..........

                               كان نفسى يا صاحبى


                                كان نفسى تفرح بى

                                              بس العدال غالى

                               والله العدال غالى

                                                                       

                                  


            يابدر يا مسافر
 
   
            زيى ف سواداليل


                ونتا....


            ونتا هناك بتطول

            ع الصبر والموويل


           وقلوب فى عز الويل

           بانيه بيوت للفرح !


            ونتا هناك بتطول

                  سلم


             سلم على بلادى

            سلم على الافراح


            سلم على الاحزان

            سلم على حبيبه


             كانت موعدانى !

            بس العدال غالى


            والله العدال غالى



هناك 40 تعليقًا:

Dr/ walaa salah يقول...

جميله يا عباس برغم طبعا وكعادتك الحزن اللي فيها

لكن ممكن افهم يعني ايه العدال وتقصد بيه ايه

معلشي اصلي اوي مره اسمع اللفظ ده ومتقولش انه غلطه كتابيه

شيرين سامي يقول...

أنا بقى عايزه أعرف يعني ايه العدال
ويعني ايه يمت أهالينا (يموتوا يعني!)
و يعني ايه ونتا
معلش اعذرني لو مش عارفه واضح انك كتبها بلهجه صعيدي بس بجد أنا بحب اللهجه دي أوي و كلامك حاسه اني بسمعه بودني مش بقراه
تحياتي الخالصه ليك

Samoura يقول...

الله عليك يا عباس

والله ارفعلك القبعة عيها
حستها اوي وحستيك وانت بتقولها

بارغم اني مش عارف اترجم معني (العدال غالي)
بس حيت معناها ..اكيد فاهمني طبعا

..

تسلم ايدك يا استاذ

سواح في ملك الله- يقول...

العدل ياعبس ده اسم من اسماء الله العلي العظيم
وكان سمة عهد عمر رضي الله عنه جميله ياعبس بس
صحح بعض الاخطاء الاملائيه اللي عندك

جايدا العزيزي يقول...

كان نفسى يا صاحبى


كان نفسى تفرح بى

بس العدال غالى

والله العدال غالى

والله عندك حق صحيح العدال غالى

اخى كلامات معبرة عن ما ال اليه حالنا

سلمت اناملك

تحياتى

Tears يقول...

العدل نادر ان لم يكن انقرض

reemaas يقول...

جميله جدااااااااا بس هو العدال اللى هو العدل ياعبس؟

محمود(باحث عن حب) يقول...

جميل يا عباس
بدر
وبحر
الله رومانسى انت
يا عبس

يوميات شحات يقول...

حلوة يا عباس
تنفع أغنية

خواطري مع الحياة يقول...

السلام عليكم
خاطرة جميلة جدا

هو اصل في شي اسمه عدل الايام دول
الكل ناسي الكلمه دي
طابع الخاطرة جميل وفيها ايقاع اجمل
تقبل مروري
سلامي ليك اخي.

sal يقول...

وقلوب فى عز الويل

بانيه بيوت للفرح !

عباس ابن فرناس يقول...

هى لدرجة دى اللهجة الصعيدية معقدة !
هههههه
كلمة عدال = فرصة

او الوقت المناسب

ولذلك نقول : العدال غالى

حينما نطمح فى تحقيق شى ماء ولا نستطيع
.......
ملحوظة
على فكرة مفردات القصيدة تعتبر بنسبة لى وبحكم انى صعيدى انها مفردات بسيطةوسهلة
لذلك فى حاجات تانى لا اتحمس لكتابتها لصعوبة المفردات وخصوصاً انها تسمع اكثر من انها تقراء
واخيراُاحب انى ا نتهز الفرصة دى علشان اشكركم جميعاًوقولكم انا
بتوانس بيكم

عباس ابن فرناس يقول...

د / ولاء
اظن انا كدا براء

وربنا يستر
ومتطلعش فى الاخر غلطة املائية هههه

تحياتى

عباس ابن فرناس يقول...

شرين

عفارم عليكى

هههههه

حلوة تموتو دى ههههه

كلمة : يمت = ناحيه او جهه او مكان وهكذا

كلمة ونتا = وانتا
بس انا يمكن نسيت حرف الالف
ولما اقول : وانت هناك بتطول
اقصد مثلاً : حينما تكون انت هناك تنظر !
هههه حلوة بدى امثلاً بالفصحة علشان افسر صعيدى !
........
وعلى فكرة ياشرين
وجهة نظرك صح
لان الشعر بالعمية عموماً وبالهجة الصعيدية خصوصاً
يسمع اكثر من انه يقراء
تحية مستعطرة

عباس ابن فرناس يقول...

سموره

فاهمك طبعاً ياميسترو

وان كان على الترجمه نترجم تانى

عدال = فرصة مناسبة لتحقيق غرض ماء

تحياتى

هبة فاروق يقول...

حلوة يا فرناس بجد عجبتنى اوووى وكويس انك وضحت معانى الكلمات وبكدة تبقى وضحت الرؤية
فى انتظار جديدك متبعاك وفى انتظار متابعتك

عباس ابن فرناس يقول...

جايدا العزيزى

يسعدنى ان يكون كلامى معبر

ولونى كتثيراً ماء اعبر ولا استعبر

تحياتى اليكى

عباس ابن فرناس يقول...

سواح

العدل
ربنا يديك ويدينا طولت العمر

ونعيش ونشوفه ههههه

كمل جميلك ياسواح وطلع لى الاخطاء هههه

تحياتى

عباس ابن فرناس يقول...

تريز

العدل فى هذا الزمان انقرض فعلاً

ولكن هناك محاولات لاستنساخه !

تحية عطرة

عباس ابن فرناس يقول...

محمود

احياناً
بكون رومنسى

واحياناً

بكون منسى

تحياتى

عباس ابن فرناس يقول...

يوميات شحات

بس بشرط

يغنيها
عماد بعرور ههههه

تحياتى

عباس ابن فرناس يقول...

خواطرى مع الحياة

العدال مرحب بيه فى كل بلاد الدنيا

الا بلادنا !

تحياتى اليكى

عباس ابن فرناس يقول...

سال
قلوب فى عز الويل
فى عز الالم والحرمان
فى عز القهر والاحزان

بانيه بيوت للفرح

تحياتى

عباس ابن فرناس يقول...

REEMAAS
انا اسف سرحت ياريمو

اكيد العدال غير العدل طبعاً

وان كانه منفدين على بعض ههههه

تحياتى

عباس ابن فرناس يقول...

هبة فاروق

يعنى رايك ان انا خلصت زمتى هههه

تحية مستعطرة

حرّة من البلاد..! يقول...

أخي الكريم
بما أني فلسطينية
فاللهجة الصعيدية صعبة علي
لكن أنا فهمت كلامك واحساسك
يسلم يديك
تحياتي لشخصك الكريم

حلمى البعيد يقول...

جميل أوى
والأجمل أنها بلهجه أصيله
أحبها جدا
فيها تمنى وهدف وأصاله
أسعدنى جدا وجودى هنا
تقبل مرورى المتواضع

karmen يقول...

جميلة جدا جدا كعادة ماتكتب
تسلم ايدك
تحياتي

اقدم عاصمه فى الحب يقول...

السلام عليكم

انا الوحيد اللى فهمت من غير اسئله لانى عندى اصحاب صعايده كثير جوى يا بوى
الله ينور يا رايق
عجبنى رسمك المره دى اوى
تسلم يا كبير
ودى وإحترامى :)

ذو النون المصري يقول...

تحياتي لك و لاسلوبك
كل عام انتم بخير

شهر زاد يقول...

اهلا بك اخي
كلمات رقيقة قوية تحمل في ثناياها صدقا ومرارة
سلمت اناملك التي خطت هذه العبارات الجياشة
تحياتي الصادقة

بنت مصريه يقول...

جميله جدا

شاعر موهوب

ادامها الله عليك نعمه

عباس ابن فرناس يقول...

حرة من البلاد

ايه رايك ان الهجة الفلسطنية

من اقرب الهجات الى الهجة الصعيدية

على العموم انا سعيد انك حسيتيه

تحياتى اليكى

عباس ابن فرناس يقول...

حلمى البعيد

وانا برضو سعيد جدا بوجود

ومنورنى
وتحياتى

عباس ابن فرناس يقول...

كارمن

الجمال الحقيقى

هو كارمن
تحياتى

عباس ابن فرناس يقول...

اقدم عاصمة

معلم انتا والله يا ابو حميد

ويسعدنى لو اعتبرتنى واحد من اصحابك

الصاعيدة الكثير
تحياتى

عباس ابن فرناس يقول...

ذو النون المصرى

دى شهاد اعتز بيها

من استاذ كبير زى حضرتك

تحية عطرة

عباس ابن فرناس يقول...

شهر زاد

يا مرحبا

انا مهما كان
بنسبة لحضرتك اعتبر تلميذ
تحياتى اليكى

عباس ابن فرناس يقول...

بنت مصرية

الله يبارك فيكى
انتى كمان موهوبة
واسلوبك رشيق

الغاردينيا يقول...

احساسك جميل :)

حبتها وفهمتها المره دي

واللهجة الصعيديه جميله على فكره :)

بتعجبني بجد وبحب المسلسلات اللى فيها صعايده عشان اسمعهم ههه
تحية