السبت، 11 ديسمبر 2010

قرار صادر

                             


                                  بلاش تنزل



                                  بلاش تطلع




                          بلاش تلحق سنين عمرك




                                بلاش تعصى




                                ولات امرك



                                يميل بختك 




                               يضيع عمرك !



                                 تقوم واقع


                               فى ميت مطلع




                                        ياريت برضو


                           بلاش نسمع كمان حسك 




                                   ولاحزنك



                                    ولا فرحك



                                    ولا المك




                                   ولا جرحك





                           بلاش يظهر على وشك



                                   انين عمرك



                                    اهات قلبك




                                  حاجات مندى




                                    بلاش تطلع



                                     ولو روحك


                                     قالت اطلع



                                     بلاش برضو



                                     ده  مش وقته






                                      قرار صادر



                                      من المجلس



                                        من الامة



                                        من القمة



                                       من  المدفع





                                       ـ   اذا ياسك



                                    ـ  غلب صبرك



                                     ـ  واذا همك 



                                     ـ  ركب غمك



                                     ـ   وعلى غفلة



                                              ـ     فلت منك


                                      ـ   يُباح دمك


                                      ـ   شرف امك


                                      ـ   ولايُعرف


                                      ـ  طريق قبرك


        

هناك 44 تعليقًا:

غير معرف يقول...

أنا مخالف
أموت من الحرية
ولا أموت من الكبت

وصف صادق وبسيط وعميق لوضع سائد يا عباس

لكن هناك دائما مخالفين

وأنا منهم :)

أمل حمدي يقول...

روعة يا عباس
صدقت في كل كلمة وعبرت عنها صح
سلمك الله

حرّة من البلاد..! يقول...

أخي عباس
كلمات كلها صدق وألم
متى ينتهي هذا التكميم لأفواهنا ؟
سلمت يداك
تحياتي

ツSmiLeY AnGeLツ يقول...

السلام عليكم
مهو لو تكلمت هم هتضيق عليهم الدنيا ياحرام
ومايقدروا يعيشوا
فلازم نسكت ونكبت على حالنا عشانهم ياحرام
لكن لصبر حدود
بيجي يوم وكل هذا الصمت بيتقلب سلاح ضدهم
كلمات بسيطة وتحمل اهم المعنى
تقبل مروري
سلامي ليك اخي.

سواح في ملك اللــــــــــــــــــه- يقول...

عباس
لا اتكلم
وصرخ قول
واتالم
ولايهمك
دا هوا العمر
يوم واحد
متسكتشي
لاتتندم
هيحصل ايه
ماخربانة
لو انت سكتت
وخربانة
حتي لما تتكلم

غير معرف يقول...

رائعة رائعة رائعة

ليلى الصباحى.. lolocat يقول...

السلام عليكم ورحمة الله

الجو النهاردة صعب كتير رياح وزوابع ورمال
انت بقى كملت علينا بكلامك هنا

كلمات اوجعت قلوبنا ومست الم جوانا كلنا خاصة بعد الاحداث الجارية بالقاهرة اليوم من مظاهرات واعتراضات اكيد بالنهاية زى ما رحنا زى ماجينا فيها

مش عارفة اقول رائع ولا اقول الله يسامحك

لكن تظل الكلمة متنفس لنا عن الالم والشجن
اشكرك اخى الكريم على اللحظات اللى سمحت لنا فيها اننا نتنفس فيها هنا عن الامنا كلنا

بارك الله فيك
دمت بود

reemaas يقول...

كبت
سكوت
صمت رهيب

اخرتها هننفجر ياعبس

Carmen يقول...

رائع كما انت دائما اسمحلي ارفع القبة احتراما
خالص الاحترام والتقدير لفكرك الراقي

Unknown يقول...

رائعه يا عباس برغم قسوتها لكن هو ده الواقع
و انت كالعاده موهوب ما شاء الله
تحياتي الخالصه لك

sal يقول...

احسنت والى الافضل والاجود دائما
بس عايزين شوية امل يا عبس


تحياتى

فاروق سحير ( فاروق بن النيل ) يقول...

عباس ...........
ليه اليأس ده وليه تحبط الناس والله كلامك روعة لكن المعنى وحش أوى لاأوافق على المعنى أوافق على الشعر فى غير معنى وفى غير مكان وفى غير زمان وفى غير بلد بلاش أحسن دإحنا لازم نطلع حتى لو إنكسرت رقابينا ولازم ننزل حتى لو ضاعت خطاوينا

شهر زاد يقول...

ياه كلمات جد جميلة يوصادقة نابعة من قلب جريح بس جرحو مش مضعفو بالعكس مقويه
تحياتي

Tears يقول...

قرأت ما بين السطور

أحسنت

عباس ابن فرناس يقول...

سمكة فى المحيط

يحيى المخالفين

ويسقط المنافقين

تحياتى

عباس ابن فرناس يقول...

ماما امولة

حضرتك استاذتنا

وكلامك شرف لى بتاكيد

عباس ابن فرناس يقول...

حرة من البلاد

اتمنى ان النهاية

تكون قريبة باذن الله

نورتينى
وزياراتك دايماً بتسعدنى

عباس ابن فرناس يقول...

خواطرى مع الحياة

وعليكم السلام

دوام الحال من المحال

واكيد راح ييجى يوم

والغمة تنكشف
بس امتى الله اعلم
ارق التحيات

عباس ابن فرناس يقول...

سواح

المشكلة مش فى الكلام وبس

المشكلة فى الفعل
هوا ده مربط الفرس

تحياتى

عباس ابن فرناس يقول...

يوميات شحات

انتا الاروع ياصديقى

تحية مستعطرة

عباس ابن فرناس يقول...

ام هريرة

قولى اللى تقوليه

المهم انك تقولى

وانا اللى بشكركم
علشان ادتونى فرص اتكلم
تحياتى

عباس ابن فرناس يقول...

reemaas

ياريت والله

ننفجر يكون ارحم

تحياتى

عباس ابن فرناس يقول...

كارمن

انتى الاروع

متشكر لمجاملتك الرقيقة

عباس ابن فرناس يقول...

شرين سامى

مهما ان كتبنا مش هنعرف

نعبر عن قسوت الواقع ومراره

تحياتى

عباس ابن فرناس يقول...

سال

طول ما حضرتك

معاى لازم يكون فيه أمل
ارق التحيات

عباس ابن فرناس يقول...

عم فاروق

مع احترامى لحضرتك

بس رقابينا انكسرت من زمان

وخطوينا ضاعت من سنين طويلة

اعطر التحيات

عباس ابن فرناس يقول...

شهرذاد

الضربة اللى ماتموتش تقوى

منورانى دايماً
تحياتى

عباس ابن فرناس يقول...

تريز

بتاكيد قراتيه

لان اللى بين السطور
امر من اللى على السطور

تحياتى

افروديت يقول...

تنفع للشعب كله مش شهداء أسكندريه بس ياعباس

كلماتك قليله ولكن احزنتني لآني تذكرت الي أي مدي تعرضوا للظلم ولم يجدوا حتي من يدافع عنهم

تحياتي لك ولأحساسك القادر علي وصف أصعب المواقف

جايدا العزيزي يقول...

اخى

احيانا يعجبنى اصرارك

وواحيانا يخيفنى

بس الكلام عمرة جوانا مايموت

مهما يحصل لسه باقى فين صوت

اشكرك

تحياتى

Casper يقول...

رغم أنها كلمات جميلة جدا ووصف رائع إلى أنها تحمل أحزان كثير وآلام نعهد رؤيتها كل لحظة

=========

نسأل الله أن يرحم شهداء الاسكندرية ويسكنهم
فسيح جناته اللهم آمين

=========

هذه أول زيارة للمدونة وإن شاء الله لن تكون الأخيرة
خالص تقديري واحترامي

تقبل مروري
Casper

;كارولين فاروق يقول...

احيانا يمر المرء في طريق بالصدفه
ليقابل ما كان ينتظره من عهد
فهذا ما قابلته في شعرك
الذي يذكرني بمصلاح شاهين
وهذه مدرسه قد يصعب اتقانها
ولقد صادفت من اتقنها
تقبل مروري
واهلا بك ضيف في مدونتي

eng_semsem يقول...

تعريف مصر باختصار اوجزت فانجزت تمام هو ده حال اللي يبان عليه انه نفسه يتكلم وربنا يرحمنا من سجننا اللي سجنوا مصر واهلها انت تعرف احمد مطر؟؟
تقبل تحياتي

هبة فاروق يقول...

لا يا عباس حنتكلم ونحزن ونفرح وصوتنا يسمع الدنيا
ما اجمل الحرية والتعبير عن انفعالتنا وارائنا
دعنا نحلق فى سماء الحرية حتى لو جناحنا مكسور
طبعا كلمات رائعة يا عبس كعادتك

عباس ابن فرناس يقول...

افروديت

هى فعلاً للشعب كله
اللى من يوم ماربنا خلقه وهوا على دا الحال
تحياتى

عباس ابن فرناس يقول...

جايدا العزيزى

اى اصرار هههه
مش فاهمك بجد
تحياتى

عباس ابن فرناس يقول...

casper
اهلاً بيك
زيارتك شرف لى

سعيد جداً بيها

عباس ابن فرناس يقول...

كارولين فاروق

متشكر على المجاملة الرقيقة

ومتشكر على الدعوة

عباس ابن فرناس يقول...

esg-semsem

تقصد ياباشمهندس
الشاعر احمد عفيفى مطر ؟

عباس ابن فرناس يقول...

هبة فاروق

طيب وبعد ما نتكلم ونحزن ونفرح وصوتنا يسمع الدنيا
ايه النتيجة

Dr/ walaa salah يقول...

حتى الجراح والالام بلاش منها كمان

دي بقت سودا اوي يا عباس

كلماتك جميله بس انت مسودها اوي المره دي

هما هيمنعونا كمان اننا نتألم

ده اللي ناقص

مشكور يا عباس وربنا يرحمنا برحمته

عباس ابن فرناس يقول...

انا كل الحكاية انى بحاول اكبر الصورة مش اكتر

علشان تبان بوضوح

ولو ان السواد بى او من غيرى موجود يادكتورة هههه

تحية عطرة

الغاردينيا يقول...
أزال المؤلف هذا التعليق.
الغاردينيا يقول...

مممم أنا قراتها من بدري بس تاخرت بتعليق :)

يسلم الاحساس الحر :)