بلاش تنزل
بلاش تطلع
بلاش تلحق سنين عمرك
بلاش تعصى
ولات امرك
يميل بختك
يضيع عمرك !
تقوم واقع
فى ميت مطلع
ياريت برضو
بلاش نسمع كمان حسك
ولاحزنك
ولا فرحك
ولا المك
ولا جرحك
بلاش يظهر على وشك
انين عمرك
اهات قلبك
حاجات مندى
بلاش تطلع
ولو روحك
قالت اطلع
بلاش برضو
ده مش وقته
قرار صادر
من المجلس
من الامة
من القمة
من المدفع
ـ اذا ياسك
ـ غلب صبرك
ـ واذا همك
ـ ركب غمك
ـ وعلى غفلة
ـ فلت منك
ـ يُباح دمك
ـ شرف امك
ـ ولايُعرف
ـ طريق قبرك
هناك 44 تعليقًا:
أنا مخالف
أموت من الحرية
ولا أموت من الكبت
وصف صادق وبسيط وعميق لوضع سائد يا عباس
لكن هناك دائما مخالفين
وأنا منهم :)
روعة يا عباس
صدقت في كل كلمة وعبرت عنها صح
سلمك الله
أخي عباس
كلمات كلها صدق وألم
متى ينتهي هذا التكميم لأفواهنا ؟
سلمت يداك
تحياتي
السلام عليكم
مهو لو تكلمت هم هتضيق عليهم الدنيا ياحرام
ومايقدروا يعيشوا
فلازم نسكت ونكبت على حالنا عشانهم ياحرام
لكن لصبر حدود
بيجي يوم وكل هذا الصمت بيتقلب سلاح ضدهم
كلمات بسيطة وتحمل اهم المعنى
تقبل مروري
سلامي ليك اخي.
عباس
لا اتكلم
وصرخ قول
واتالم
ولايهمك
دا هوا العمر
يوم واحد
متسكتشي
لاتتندم
هيحصل ايه
ماخربانة
لو انت سكتت
وخربانة
حتي لما تتكلم
رائعة رائعة رائعة
السلام عليكم ورحمة الله
الجو النهاردة صعب كتير رياح وزوابع ورمال
انت بقى كملت علينا بكلامك هنا
كلمات اوجعت قلوبنا ومست الم جوانا كلنا خاصة بعد الاحداث الجارية بالقاهرة اليوم من مظاهرات واعتراضات اكيد بالنهاية زى ما رحنا زى ماجينا فيها
مش عارفة اقول رائع ولا اقول الله يسامحك
لكن تظل الكلمة متنفس لنا عن الالم والشجن
اشكرك اخى الكريم على اللحظات اللى سمحت لنا فيها اننا نتنفس فيها هنا عن الامنا كلنا
بارك الله فيك
دمت بود
كبت
سكوت
صمت رهيب
اخرتها هننفجر ياعبس
رائع كما انت دائما اسمحلي ارفع القبة احتراما
خالص الاحترام والتقدير لفكرك الراقي
رائعه يا عباس برغم قسوتها لكن هو ده الواقع
و انت كالعاده موهوب ما شاء الله
تحياتي الخالصه لك
احسنت والى الافضل والاجود دائما
بس عايزين شوية امل يا عبس
تحياتى
عباس ...........
ليه اليأس ده وليه تحبط الناس والله كلامك روعة لكن المعنى وحش أوى لاأوافق على المعنى أوافق على الشعر فى غير معنى وفى غير مكان وفى غير زمان وفى غير بلد بلاش أحسن دإحنا لازم نطلع حتى لو إنكسرت رقابينا ولازم ننزل حتى لو ضاعت خطاوينا
ياه كلمات جد جميلة يوصادقة نابعة من قلب جريح بس جرحو مش مضعفو بالعكس مقويه
تحياتي
قرأت ما بين السطور
أحسنت
سمكة فى المحيط
يحيى المخالفين
ويسقط المنافقين
تحياتى
ماما امولة
حضرتك استاذتنا
وكلامك شرف لى بتاكيد
حرة من البلاد
اتمنى ان النهاية
تكون قريبة باذن الله
نورتينى
وزياراتك دايماً بتسعدنى
خواطرى مع الحياة
وعليكم السلام
دوام الحال من المحال
واكيد راح ييجى يوم
والغمة تنكشف
بس امتى الله اعلم
ارق التحيات
سواح
المشكلة مش فى الكلام وبس
المشكلة فى الفعل
هوا ده مربط الفرس
تحياتى
يوميات شحات
انتا الاروع ياصديقى
تحية مستعطرة
ام هريرة
قولى اللى تقوليه
المهم انك تقولى
وانا اللى بشكركم
علشان ادتونى فرص اتكلم
تحياتى
reemaas
ياريت والله
ننفجر يكون ارحم
تحياتى
كارمن
انتى الاروع
متشكر لمجاملتك الرقيقة
شرين سامى
مهما ان كتبنا مش هنعرف
نعبر عن قسوت الواقع ومراره
تحياتى
سال
طول ما حضرتك
معاى لازم يكون فيه أمل
ارق التحيات
عم فاروق
مع احترامى لحضرتك
بس رقابينا انكسرت من زمان
وخطوينا ضاعت من سنين طويلة
اعطر التحيات
شهرذاد
الضربة اللى ماتموتش تقوى
منورانى دايماً
تحياتى
تريز
بتاكيد قراتيه
لان اللى بين السطور
امر من اللى على السطور
تحياتى
تنفع للشعب كله مش شهداء أسكندريه بس ياعباس
كلماتك قليله ولكن احزنتني لآني تذكرت الي أي مدي تعرضوا للظلم ولم يجدوا حتي من يدافع عنهم
تحياتي لك ولأحساسك القادر علي وصف أصعب المواقف
اخى
احيانا يعجبنى اصرارك
وواحيانا يخيفنى
بس الكلام عمرة جوانا مايموت
مهما يحصل لسه باقى فين صوت
اشكرك
تحياتى
رغم أنها كلمات جميلة جدا ووصف رائع إلى أنها تحمل أحزان كثير وآلام نعهد رؤيتها كل لحظة
=========
نسأل الله أن يرحم شهداء الاسكندرية ويسكنهم
فسيح جناته اللهم آمين
=========
هذه أول زيارة للمدونة وإن شاء الله لن تكون الأخيرة
خالص تقديري واحترامي
تقبل مروري
Casper
احيانا يمر المرء في طريق بالصدفه
ليقابل ما كان ينتظره من عهد
فهذا ما قابلته في شعرك
الذي يذكرني بمصلاح شاهين
وهذه مدرسه قد يصعب اتقانها
ولقد صادفت من اتقنها
تقبل مروري
واهلا بك ضيف في مدونتي
تعريف مصر باختصار اوجزت فانجزت تمام هو ده حال اللي يبان عليه انه نفسه يتكلم وربنا يرحمنا من سجننا اللي سجنوا مصر واهلها انت تعرف احمد مطر؟؟
تقبل تحياتي
لا يا عباس حنتكلم ونحزن ونفرح وصوتنا يسمع الدنيا
ما اجمل الحرية والتعبير عن انفعالتنا وارائنا
دعنا نحلق فى سماء الحرية حتى لو جناحنا مكسور
طبعا كلمات رائعة يا عبس كعادتك
افروديت
هى فعلاً للشعب كله
اللى من يوم ماربنا خلقه وهوا على دا الحال
تحياتى
جايدا العزيزى
اى اصرار هههه
مش فاهمك بجد
تحياتى
casper
اهلاً بيك
زيارتك شرف لى
سعيد جداً بيها
كارولين فاروق
متشكر على المجاملة الرقيقة
ومتشكر على الدعوة
esg-semsem
تقصد ياباشمهندس
الشاعر احمد عفيفى مطر ؟
هبة فاروق
طيب وبعد ما نتكلم ونحزن ونفرح وصوتنا يسمع الدنيا
ايه النتيجة
حتى الجراح والالام بلاش منها كمان
دي بقت سودا اوي يا عباس
كلماتك جميله بس انت مسودها اوي المره دي
هما هيمنعونا كمان اننا نتألم
ده اللي ناقص
مشكور يا عباس وربنا يرحمنا برحمته
انا كل الحكاية انى بحاول اكبر الصورة مش اكتر
علشان تبان بوضوح
ولو ان السواد بى او من غيرى موجود يادكتورة هههه
تحية عطرة
مممم أنا قراتها من بدري بس تاخرت بتعليق :)
يسلم الاحساس الحر :)
إرسال تعليق