الأربعاء، 25 أبريل 2012

تخاريفى

 

            مين قالك !!

أن أنا ممكن اتناذل عن درعى وسيفى !

مهما أن طاااال ف  العمر ..... خريفى

مهما أن هلك القلب ........ نزيفى

            وعلى فكره ...

       أنا ناوى اكسر مجديفى

      ولو هغرق فى بحورك

              اغرق !

              بمزاجى

               وكيفى

ولو زارك فى منامك .... طيفى

           وفتحلك قلبى

            ومظاريفى

ومركبك رسيت فى رصيفى

      مش لازم تاخد بالك

           من تخاريفى

مش لازم تبكى على جروحى

         وتعذب روحى

             أنا بس

           يا روحى

         محتاج لبراح

             جواك

              ارتاح

منا زى الطير الـ ..... ماسكيفى

        اكمن أنا .... ريفى

      وكمنك من أهل البندر

متغندر .... ف الشال الصيفى

        ااااااااااااه يا نزيفى

             يا قاتلنى !

         قرب وحضنى

           قبل امـ  تاكلنى

          النار اللى بتلسع

                قلبى

              وروحى


         وطرا ... طيفى

     وأنا ايه .... تصاريفى !؟

   غير انى استشهد ف بحورك

              بمزاجى

               وكيفى

.........

غبت انا صح
ولا ماخدتوش لبالكم ؟  هههههه
 مسير الطير لعشه تانى
ودينى رجعت للعش 
وكلام كتير عايز افوله يا اصدقاء
....... ااااااااااااااااااااااااه
تعبان ........
ومفبش مكان افضفض فيه غير هنا
ولو عندكم وقت ممكن احكيلكم ؟
ولا يمكن الشعر يعبر احسن
وحشتونى


هناك 9 تعليقات:

سواح في ملك اللــــــــــــــــــه- يقول...

ازيك ياعبس

علي فكرة انا زعلان منك

ده مكانش عيش وتعليقات ههههههه

متخافش ياعبس

كلنا في الهم سوا

بس ياعبس بلاش اليأس

عباس ابن فرناس يقول...

أنا مقدرش على زعلك انتا بذات ياعم خالد ....... وبالمناسبه انا مش مهموم ولا يأس ... لان اليأس فى حد زاته بالنسبه لى انجاز ...... كل الحكايه ياعم خالدونتا مش غريب طبعا ان انا مريت الفتره اللى فاتت بتجربه عاطفيه لخبطت كيانى حبتين تلاته اربعه خمسه وهكذا بس

بنوتة مصرية يقول...

كلامك مؤثر بجد

Tarkieb يقول...

عندما تعشق واحدة من بتوع البندر يبقى تولع نار الفرن واخبز الحب يا بلدينا,.........بذمتك في فرق دلوقتي بين البنر والقرية؟ وبعدين انا قفشتك قبل كدة وطلعت صعيدي وتبندر واللي كان كان.....وحشتنا يا معلم وايه الكلام الجامد ده

عباس ابن فرناس يقول...

بنوته مصريه

مرورك ايضا مؤثر
تحياتى المستعطره

عباس ابن فرناس يقول...

ونتا الصادق هى اللى ولعت نار الفرن ياتركيبو ورمت قلبى على الشوايه كمان تخيل ههههه
ياريتنى مااتبندرت ياعم تراكيب

DiaaSamy يقول...

جزاك الله خيراً علي هذا الموضوع الرائع حقا

تشرفت بالدخول الي هذة المدونة الرائعة

تحياتي

راء يقول...

جميلة اوي..:)
حسيت اني افتقدت كلامك فجيت أشقر مع اني ف امتحانات ومتبهدلة جدا...

فضفض زي ما تحب الواحد مننا ملوش غير مدونته وشوية حاجات تانية :D

حواء يقول...

مدونتك مميزة وعجبتني الصور إلي فيها للقادة والملوك والزعماء .. اما البوست جميل ومعبر عن حالة ناس كتير فيها والفضفضة بالقلم والورقة بتزيل هم كبير من عالقلب .. تحياني