ليه خايفين ؟
مدام الحلم قدامنا
منور شمس احلامنا
وباب السكة مفتوح على الجنبين
.........
ليه خايفين ؟!
مدام الشوق معزبنا
ومسافر فى مراكبنا
لا ناوى يفارق يا احبابنا
ولا احنا كمان ناويين !
..........
وليه خايفين ؟!
مدام فى قلوبنا فيه فرحة
وضحكة واهة مش جارحة
لكن سعات مليانة انين !
...........
اكيد حياتنا تستاهل
...........
اكيد حياتنا تستاهل
اكيد بكرة يستاهل
يزرع أمل فى عنينا
يصحينا
يلون بسمة على وشوشنا
يعيشنا
احلا ليالينا
يحقق كل امانينا
بس المهم نكون عايزين
بس المهم نكون صادقين
..............
ومابين بكرة ومبارح
اكيد الفجر هيشقشق
ويغنى القلب / ويزقزق ع الشجر عصافير
ويطير هوانا ف الهواء طير
ويوهب لسماء جناحين
بس المهم نكون عايزين
بس المهم نكون صادقين
.............
وليه خايفين ؟؟؟ !!!!
مدام الحلم قدامنا
منور شمس احلامنا
وباب السكة مفتوح على الجنبين
على عون مهنى
هناك 11 تعليقًا:
ايه ياعبس
كنت فين ياعم
كلامك جميل ياعبس
تحيتي
رائع يا عبس
احلى كلام
متغبش كثير علينا
اول ما بغيب ورجع وشوف اول تعليق بعرف من قبل ما بقراه انه من العزيز سواح
تحياتى واشواقى المستعطرة
هبة فاروق
وحشتنى كتاباتك الرئعة
والخفيفة على القلب
أهلا بعودتك المتميزة أخي عباس
كلمات جميلة صريحة عذبة
صادقة
تحيتي
انت فين وايه الغيبه دي كلها
اتمني ان يكون خير ان شاء الله
طبعا كلماتك جميله ومؤثره
كالعاده
حمد لله ع السلامه
انت فينك من زمان مختفى؟
ولا انا اللى كنت مختفيه؟
:)
الكلام جميل يا عبس جدا
عايزين دي صووووووووووووووت...حلوة اوووي ومحدش خايف طالما انت موجود....
عايزين دي صووووووووووووووت...حلوة اوووي ومحدش خايف طالما انت موجود....
زينة
كارولين
ريماس
تركيبو
مشكر جدا جدا
وحشتونى جدا جدا
تحياتى المستعطرة جدا جدا
دا كلام مش ممكن ..
دا انت غلبت ابن فرناس ..
هوا طار بطريقتة وانت طرت بطريقتك ..
كلمات اكثر من رائعة .
وكمان انا مع اللي بيأيد انها تبقى صوت ..
تحياتي وتقبل مروري
إرسال تعليق