الاثنين، 23 مايو 2011

عودين كبريت

                                     

                           


                        ضلمة ـ وبرد ـ رعد ومطرة ـ ياس وشوك


                           ليل بتذعاق فيه " وطاويت "


                           لاذم  حد يدوس على حلمك


                           لو فى طريق العتمة مشيت 


                          انا بصدفة عترت فى شمعة !


                          حد فى جيبو عودين كبريت ؟


                                       .........


                                ممكن شمس تنور ليلك


                                لوقلبت فى دفتر قلبك


                                لوفتشت اكيد هتلاقى  .....


                               شط وبحر ـ ضلة وبيت


                                      حارة وشارع


                     على نصيتهم ــ ياما فرحت ـ و ياما بكيت


                                ياما وقفت ....  وستنيت


                             قمرا بتفتح  ـ شيش بلكونة !


                               قمرا ولابسه عبايت بيت


                              طالعة بترمى  حبال الصبر


                              علشان تخطف اهت قلبك


                             وعلشان توصل شط عنيها


                              لازم تكشف  سر غويط


                                          ........


                                  لوفتشت اكيد هتلاقى


                                صاحبك لسه هناك مستنى


                                   حد يطمن  قلبه عليك


                                  فاكر ونتا زمان بتغنى


                                 وهوا يطبللك ع الحيط


                                فاكر صاحبك ولا نسبت !
                       
                                ونتا هناك  واقف بتصلى


                                راح وفردلك سجاد قلبه


                                 حط صليبه وقام يفد يك !


                                          قرب منه


                                          يقرب ليك


                               اشبك تانى ايديه فى ايديك


                                            .....
                             


                               لسة النور فى القلب ما غاب


                                  لسة اصالة روحك حية


                                لسة الناس اخوات ـ احباب


                               مهما تشوف من بعض قاسى


                                         ..........


                         ضلمة وبرد ـ  رعد ومطرة ـ ياس وشوك


                                ليل وبتذعق فيه " وطاويت "


                                لاذم حد يدوس على حلمك


                                لو فى طريق العتمة مشيت


                               انا بصدفة عترت فى شمعة !


                                حد فى جيبو عودين كبريت ؟


                              


                              

هناك 14 تعليقًا:

الميكروباص يقول...

مش عارف ليه بتتأخر علينا كتير

سواح في ملك اللــــــــــــــــــه- يقول...

والله ياعبس
كلامك الجميل بيحيي فينا ذكري جميلة
تحيتي يا صديقي

Ramy يقول...

مش عارف هتصدقنى و لا لأ

كلامك ريحنى نفسياً

(:

شهر زاد يقول...

اخي
كلماتك عبرت عما بداخلي بجدارة فلامست جرحي وانزفته من جديد
فاقيض على الشمعة ولا تضيعها قد يوكن الكبريت بجانبك ولكنك غافل عنه
يارب الاقي شمعه زيك
تحياتي

reemaas يقول...

مش ممكن اولا يا عباس احب اقولك انك وشك حلو عليا انا بقالى 3 ايام محبوسة مش عارفه ادخل لامدونتى وولا اى مدونة تانيه ولسه بجرب فى ياس ادخل مدونتك لقتها فتتتتتتتتتتتحن استنى اقرا بقى

reemaas يقول...

حتى البوست كله امل مش بقولك وشك حلو عليا
ههههههههه
جميل كالعادة

غير معرف يقول...

كلمات رقيقة و عميقة


Tears

معلش اسم مدونتى مش راضى يظهر عندك و لا فى مدونتى

عباس ابن فرناس يقول...

لورنس

كل تاخيرة وفيها خيرة هههه

تحياتى المستعطرة

عباس ابن فرناس يقول...

سواح

ياخوفى لو تحولت لمجرد ذكرة فعلا

تحياتى

عباس ابن فرناس يقول...

رامى

على الرحب والسعة ياصديقى

عباس ابن فرناس يقول...

شهر زاد

اجمل شمعة لاجمل شهر ذاد

عباس ابن فرناس يقول...

reemaas

انا بقا عايز الحلاوة هههه

عباس ابن فرناس يقول...

tears

الاسم ظاهر عندى فى لوحة البينات

ويارب تكونى حليتى المشكلة

تحياتى

Amira Yusuf يقول...

كلامك
حلو اووووووووووي
مش لقياله وصف