ضلمة ـ وبرد ـ رعد ومطرة ـ ياس وشوك
ليل بتذعاق فيه " وطاويت "
لاذم حد يدوس على حلمك
لو فى طريق العتمة مشيت
انا بصدفة عترت فى شمعة !
حد فى جيبو عودين كبريت ؟
.........
ممكن شمس تنور ليلك
لوقلبت فى دفتر قلبك
لوفتشت اكيد هتلاقى .....
شط وبحر ـ ضلة وبيت
حارة وشارع
على نصيتهم ــ ياما فرحت ـ و ياما بكيت
ياما وقفت .... وستنيت
قمرا بتفتح ـ شيش بلكونة !
قمرا ولابسه عبايت بيت
طالعة بترمى حبال الصبر
علشان تخطف اهت قلبك
وعلشان توصل شط عنيها
لازم تكشف سر غويط
........
لوفتشت اكيد هتلاقى
صاحبك لسه هناك مستنى
حد يطمن قلبه عليك
فاكر ونتا زمان بتغنى
وهوا يطبللك ع الحيط
فاكر صاحبك ولا نسبت !
ونتا هناك واقف بتصلى
راح وفردلك سجاد قلبه
حط صليبه وقام يفد يك !
قرب منه
يقرب ليك
اشبك تانى ايديه فى ايديك
.....
لسة النور فى القلب ما غاب
لسة اصالة روحك حية
لسة الناس اخوات ـ احباب
مهما تشوف من بعض قاسى
..........
ضلمة وبرد ـ رعد ومطرة ـ ياس وشوك
ليل وبتذعق فيه " وطاويت "
لاذم حد يدوس على حلمك
لو فى طريق العتمة مشيت
انا بصدفة عترت فى شمعة !
حد فى جيبو عودين كبريت ؟
هناك 14 تعليقًا:
مش عارف ليه بتتأخر علينا كتير
والله ياعبس
كلامك الجميل بيحيي فينا ذكري جميلة
تحيتي يا صديقي
مش عارف هتصدقنى و لا لأ
كلامك ريحنى نفسياً
(:
اخي
كلماتك عبرت عما بداخلي بجدارة فلامست جرحي وانزفته من جديد
فاقيض على الشمعة ولا تضيعها قد يوكن الكبريت بجانبك ولكنك غافل عنه
يارب الاقي شمعه زيك
تحياتي
مش ممكن اولا يا عباس احب اقولك انك وشك حلو عليا انا بقالى 3 ايام محبوسة مش عارفه ادخل لامدونتى وولا اى مدونة تانيه ولسه بجرب فى ياس ادخل مدونتك لقتها فتتتتتتتتتتتحن استنى اقرا بقى
حتى البوست كله امل مش بقولك وشك حلو عليا
ههههههههه
جميل كالعادة
كلمات رقيقة و عميقة
Tears
معلش اسم مدونتى مش راضى يظهر عندك و لا فى مدونتى
لورنس
كل تاخيرة وفيها خيرة هههه
تحياتى المستعطرة
سواح
ياخوفى لو تحولت لمجرد ذكرة فعلا
تحياتى
رامى
على الرحب والسعة ياصديقى
شهر زاد
اجمل شمعة لاجمل شهر ذاد
reemaas
انا بقا عايز الحلاوة هههه
tears
الاسم ظاهر عندى فى لوحة البينات
ويارب تكونى حليتى المشكلة
تحياتى
كلامك
حلو اووووووووووي
مش لقياله وصف
إرسال تعليق