بينى وبينِك ... كان فيه بحر !
وانا معرفش اروح _ غير ليكى
وانا معرفش اموت _ غير فيكى
وانا مش (موسى) ....ولا فرعون !
ولا بحار
ولا صاحب (فُـلك)
ولاشيطان يقدر ع السحر
انا انسان
المفروض !
ان انا غلبان
مولود غلبان !
طارح من طينة ارضِك
غصنِك ـ ضلك ـ عرضك
اللى استعصى على (الكُهان)
............
من يوم ما وعيت
اسمع عنك بس حديت
من يوم ما وعيت
يقولولى حاجات ولا ف الحواديت
فيه ناس بيقولو انك جدة لبلاد الارض
فيه ناس بيقولو انك شابة ...... شيبها الحزن
فيه ناس بيقولو انك (ملكة) .... مسلوبت عرش
عشقوكى ملوك بطول والعرض
وخانوكى ملوك بطول والعرض
الدنيا بحالها بتتحاكة بالخير والشر
الدنيا بحالها بتتحاكة ومش عارفة السر !
وتعدى الايام وتمر
وانا لسة فى ضل الاشواق
على شطك واقف ـ مستنى ـ تبوحيلى بسر
تحكيلى حكيتك ـ بظبط
تقوليلى كل اللى انا عارفه ـ ومش عارفه !
كل اللى انا سامعه ـ وفاهمه ـ وحافظو
تحكيلى علشان اصدق
ـ ولو انى مصدق
بلعكس انا يمكن مؤمن بيه اكتر منك
ـ احكيلى بنفسك ـ من نفسك
لونفسك ..... يطمن قلبى
يعرف انك ليه ـ وحديه
مهما ان طال اوقصر العمر
مهما ان شاخ فى عنيه الدهر
يعرف انه اكيد مـُطر يدفع مهرك .... شلال ـــ دم
...........
يوم ما دخلت ـ ميدان تحريرك
يوم ما كتبت بدمى مصيرك
يوم ها عرفت ان فى عمرى ما هعشق غيرك
يوم ما قطعت حبال الصبر
ودبحت الخوف ( وتويتو) فى قبر
بينى وبينك كان فيه ـ جسر
وبينى وبين الموت كان شبر
ـ قرب منى ـ اتبسم لى ـ خدنى فى حضنه وقال ـ معلش
كان خجلان
ـ حط عنيه منك فى الارض !
..............
يوم ما عرفت طريقك فين
يوم ما زحفت وراء الملايين
وانا مش خايف ـ ولا قلقان ـ ولا حيران ـ ولا مسكين ـ
ولا مزروع فى العتمة حزين
يوم ها الصبح فرد جناحته
قبل الليل ما يلم حاجاته
وقبل الشمس ما تملا المطرح
شفت ربيع العمر بيطرح
شفت وشوش الناس ـــ فيضان
بحر بيروى وطن عطشان
شفتِك جاية ـ ومتحنية ـ و متوضية ـ ومصلية ـ و رافعة رايات النور ـ والنصر
هناك 21 تعليقًا:
كلمات جميلة أخي
الله يحفظ مصر وأهلها
دمت بخير
تحياتي
اقف تقديرا لكلماتك اخي التي ادمعت قلبي قبل عيني
هي ام الدنيا فنستحق كل حب الدنيا
احببتها وانا الغريبة عنها فمابالك بالذي يعيش في احضانها
اللهم اصلح حالها واهدي اهلها ووفق بينهم
تحياتي
عالقدس رايحين شهداء باملاييييين
ياسلام علي كلامك الجميل
مقدرش اضيف اي حاجة
تحـــــــــــــــفه
تحيا مصر :)
الله
يا عباس كلمات أقل ما يُقال عنها
أنها رائعة
الله ياعبس
ايوة كدة ارجع لعلع
واكتب لنا ماثوراتك الجميلة
حمد الله علي السلامة ياعبس
تحيتي
حرة من البلاد
ويحفظ الامة كلها باذنه تعالى
اشكرك وكل اهل فلسطين الاعزاء
شهرذاد
لستى غريبة
انتى مننا وعلينا
وربنا يحفظ الامة كلها
تحياتى المستعطرة
sun of free
ربنا بسمع منك
ونول الشرف العظيم
نورتينى
ميرو
الله يجبر بخاطرك
نورتينى
هشام السايس
من بعض ما عندكم يااستاذى
سعيد جدا بالزيارة
تحياتى المستعطرة
رامى
انت الاروع ياصديقى
سواح
اكيد
فضل تشجيعك يامعلم
تحياتى لمستعطرة
كلمات دافئة :)
كلمات رائعة راقية ذات معاني هادفة
تقبل خالص احترامي وتقديري
عوزاك تجمع كلماتك دى وتنزلها فى ديوان
بجد تستحق النشر
تريز
اسعدنى الوصف
متشكر
كارمن
نورتينى بزيارة
reemaas
ربنا بجبر بخاطرك
بارك الله فيك أخى الكريم
وفى هذا الرقى الذى امتلك ناصية الكلمة
فطوع حروفها نبضاً ينطق بالحياة
تقديرى واحترامى
إرسال تعليق