يظهر خلاص يابلادى
بانت خيوط الفجر
طلعت عليكى الشمس
وان الاوان مركبنا
ترمى الجلوع ع الشط
.....
سقطت حصون الكفر
هربت جيوش الشرك
عدت ليالى الياس
مرت سنين القحط
ياقلوب يا عطشانة
خايفة ودبلانة
طرحت خلاص الارض
ماعادتشى خويانة
لما رواها الدم
حنت لنبض الشعب
صحيت حاجات جواها
وصحيت حاجات جوانا
....
والله ... ولينا عمر
ومن تانى شفناكى
قالعة نياب الشر
كاسرة رقاب الظلم
رافعة ريات الحق
ثايرة وغضبانة
....
يدك على يدى
عدى الحواجز عدى
ان الاوان يابلادى
نفتح ببان النور
ونسبق امانينا
السكة قدمنا
والحلم مستنى
راجع ومتحنى
ومحادى خطاوينا
من تونس الخضرة
تونس الثورة
تونس الحرة
لاحت البُشرة
والنصر بان لينا
النصر بان لينا
هناك 16 تعليقًا:
السلام عليكم
اولا الف الحمدلله على السلامة
اخبارك؟
ثانيا
شعب اراد الحياة تحت ظل يحميه فلم يجده في حكومته فاخرجوا وجعلوا النور يأتيهم
وان شاءالله يأتيهم ولا يذهب
كلماتك جميلة ومعاناها اجمل
تقبل مروري
سلامي ليك اخي.
يااارب
ياااااارب
تحياتى ليك
هي امنيات
لكن متى يتم تنفيذها؟
الله عليك يا عبس وعلى احساسك الجميل
لما رواها الدم
حنت لنبض الشعب
صحيت حاجات جواها
وصحيت حاجات جوانا
احييك
والامل دائما رفيق الرجال
تحياتى وتقديرى
الله عليك بجد تحفة ررررروعة
وبدات احفظ كلامك من شدة اعجابى بة
تحياتى يا ابنودى المدونين
عباس بن فرناس ..............
فينك يامحتاس وفين كلامك دا الروعة
والله وحشتناياأرجل من الناس الجدعة
فين الحلاوة دىوالدنيابعدبكره والعة
إدينا واحده تانية ومصركلهاسامعة
حلوة اوى و جاية فى الوقت المناسب تمام
شوف الفيديو ده
http://www.youtube.com/watch?v=NdJJzyDWIyU
يدك على يدى
عدى الحواجز عدى
ان الاوان يابلادى
نفتح ببان النور
ونسبق امانينا
السكة قدمنا
والحلم مستنى
راجع ومتحنى
بحب روح التفاؤل دى انا
http://islam-nogodbutallah.blogspot.com/2011/01/251.html
السلام عليكم
السكة قدمنا
والحلم مستنى
راجع ومتحنى
ومحادى خطاوينا
يارب نحصلهم فعلا ان شاء الله
وربنا يسترها بكرة ويحفظ شبابنا
كلماتك تحمل من الامل كثير
اسال الله تعالى ان ييسر لنا الاحوال
تحياتى لابداعاتك المستمرة
دمت بخير
من تونس الخضرة
تونس الثورة
تونس الحرة
لاحت البُشرة
والنصر بان لينا
الله ينصركم و يثبت اقدامكم وقلوبكم
اللهم آمين
مدونة غريب
قوق الرائع
يارب تمم على خير
الله أكبر .... ولله الحمد
85 مليون مبروك...
صحيت حاجات جواها
وصحيت حاجات جوانا
بجد جامدة جدا .. والاحساس عالى جدا
أثار الثورة بقى
أين أنت يا صديق
واحشني ووحشتني كلماتك ..
يارب تكون بخير ..وطمنا عليك أحسن غيبتك دي قلقاني
لعله خير بإذن الله
إرسال تعليق