الجمعة، 29 أبريل 2011

بينات اشهداء

البيان رقم (1)

          (الشهادة ام العبادة )   

             كل فجر وليكى عادة

           تصرخى فى العتمة ترحل

             تندهى للصبح يصبح

              تنفخى فى الجرح يدبل

             تنفخى فى الحلم يطرح 


             يتملى قلبى ارادة

                   .....

             يهرب الخوف من طريقى

              ينده الزمان على 

            - انتا فينك ياصديقى

              ينتفض قلبى وعروقى

              يبتدى عمرى الحقيقى


                يجتمع شملِك وشملى

              من شفيفك ابل ريقى

              وفى عنيكى اتوه زيادة

                      .....

             وانتو يا اصحاب السعادة

              يااللى لابسين البيادة

               انتو حافظين الامانة

              واحنا طالبين السيادة

              انتو مدرسة البطولة

               واحنا طلاب الشهادة

             انتو فاديينها بصدوركم

              واحنا فاديينهابدممنا

             انتو زرعينها فى قلوبكم

              وحنا عابدينها عبادة

      
(الشهادة ام العبادة كل سنة وليكى عادة)
هذه الجمل هى بمثابة تعويزة قديمة
يتمتم بها الجنوبيين قبل السباحة فى نهر النيل
تحسبا للغرق


            

هناك 19 تعليقًا:

الميكروباص يقول...

انت كنت فين؟

reemaas يقول...

والله ماصدقت انت كنت فييييييييييييييين ياسيدى قلقتنا عليك

عباس ابن فرناس يقول...

لورنس

انا اسف على الغياب

كبفك ياعزبزى

عامل ايه يابطل

عباس ابن فرناس يقول...

ريمو العزيزة

متخافيش عمر الشقى بقى ههههه

وحشانى جدا والله

تحياتى المستعطرة

الغاردينيا يقول...

عباااااااااااااااااااااااس !
سعيدة برجوعك من ثاااااني :)
كنت فين افتقدناك ^_^
يارب تكون بخير وعلى خير

وفصيدة جميلة كالعادة ^_^
متغيبش علينا ,

عباس ابن فرناس يقول...

الغاردينيا

ازيك يا امى العزيزة ) امى الروحية طبعا هههههه

وحشانى جدا يا غردينيا وسعيد جدا بسوالك

سواح في ملك اللــــــــــــــــــه- يقول...

ازيك ياعبس
وحشتنا طقطوقاتك
تحيتي

Ahmad يقول...

الله عليك يا عباس
زيدنا كمان

عباس ابن فرناس يقول...

المعلم سواح

يامرحبا يامرحبا يامرحبا

عباس ابن فرناس يقول...

سمورة

حبيبى

منور

شهر زاد يقول...

اخوياا
حمد الله على السلامه لي الشرف انك تشرفني والله لك وحشه
مكانك فضل فارغ والله ربنا ربنا ميحرمنا من طلتك
حمد الله بالسلامه

Unknown يقول...

حمداً لله على سلامتك....
وعودة طيبة

عباس ابن فرناس يقول...

شهر زاد

الله يسلمك دايما تكونى بخير يارب

عباس ابن فرناس يقول...

محمد الجرايحى

الله يسلمك يا اخى العزيز

وانا سعيد جدا بوجودك

Tears يقول...

حمدلله على السلامة

كلماتك رقيقة



دمت بخير

غريب يقول...

عباس
كنت فين يا عباس؟
هههههههه
أهلاً بعودتك
و عقبال ما نهني بعضنا بعودة الوطن
فوطننا المسلوب كثير

التغيير تياره قوي

نسأل الله أن يكون عاقبته خيرا للأمة

لك مني تحية وسلام

عباس ابن فرناس يقول...

تريز
متشكر جدا

متحرمش منك

عباس ابن فرناس يقول...

غريب الحبيب

منور ياصديقى
والوطن راجع باذن الله

أقدم عاصمه فى الحب يقول...

السلام عليكم

انت اللى وحشتنى اكتر والله يا كبير
يا رب تكون بخير
.
.
مافيش فايده على رأى عمك سعد :)
.
.
بس تعرف .. معايا انا مش فارقه .. وشها زى قفاها
وده مش يأس .. ده واقع حاول الاقتراب من الامل فغرق فى بحر الوهم
ما علينا
سعيد اوى النهارده بزيارتك ربنا لا يحرمنى منك
ودى وإحترامى :)