كل "عشية "
يسرح بى
ـ تفتح طاقة نور ...وجسور
تاخدِك مرة
تاخدِك مرة من " لياليكى " !
احلا
مافيكى
انِك دنيا ...
كون وحديكى !
زى " المهرة "
ماشاالله عليكى
لما تطلى
من " شبابيكى "
الاقى الدنيا
كل العالم
مستنيكى !
و الاقى عيون
" بتحوم " حواليكى
لاجل تخيب حلمِك
تانى
وتضيع منِك ف ثوانى
اللى فى قلبه ....
شوق وامانى
اللى يخاف
من نسمة
عليكى !
كل ما " ادقق "
كل ما " اعافر "
علشان " المح "
مين ف " الصورة " !
مين مستنى ؟
ومين هيسافر
قبل ما روحه
تروح
" مهدورة " !
الاقى " ماضيكى " !!!!!
منين ما تروحى
زى " العيل "
" شابط " فيكى !
لا " ومصهلل "
جوة عنيكى !
ـ حط " الطبلة "
ومسِك " العود "
غنا وقال :
ـ يا زمان هنعود
ومال " بالعمة " !
ومسا عليكى
غنا !
غنا ...غُناه
اللى مبكيكى !
احلا ما فيكى
احلا
ما فيكى
انِك قادرة
على " اعاديكى "
بس الصبر
اللى " محليكى " !
بس القلب !
اللى " مدفيكى "
لسة مدارى !
دموع اليأس
لسة مخبى
جراحه
عليكى
هناك 31 تعليقًا:
مصر في عيون عباس ابن فرناس كلام مالهوش حل ياعبس
جميل فعلا رنا يوفقك تحيه طيبه لعباس ابن فرناس
جمييل ياعباس
واقول ايه بس
ياعيني يامصر
تحياتي
لسه مخبى جراحه عليكى
ما شاء الله عليك ياعبس وعلى احساسك الجميل
مساء الورد
حبيت الموسيقى الشعريه حسيت بيها والقفز بين الصور
والافكار حسيت اني بجري من حرف لحرف بجد وكان الموضوع
كذا لعبة ... بس حسيت كانها ناقصة في لسه شئ باقي
انت مكملتوش ....
ايه يعني ومال " بالعمة " ؟ يعني ايه تقصد عم وعمه
ولا ليها معنى 2 ؟
احساس راقي وجميل اسمتعت بالقراءة ,
الله عليك وعلي اسلوبك
قمة في الرقة والروعة
خاطرة متميزه منتقاه بعناية
دمت مبدعا
تقبل مروري
سواح
كتر العياط
يعلم البكاء
تحياتى
هيثم
ياعينى ويا قلبى كمان
تحياتى
سال
الله يجبر بخاطرك
الغاردينيا
اى خدمة هههه
على فكرة دى مقتطفات
العمة هى : غطاء الراس اوالقباعة
ونقول مثلا فى الصعيد : " طنجر " العمة او مال بالعمة
وهى طريقة من طرق الغزل
تحباتى
كارمن
مصر تنطق الحجر هههه
تحياتى
السلام عليكم
والله قرئتها اكثر من مره
كل مااقرئها يجي لحن معاها
فيها ايقاع جميل
بجد روعة
ربنا يوفقك
تقبل مروري
سلامي ليك اخي؟
اخى عباس
ما اجمله من قلب
فالعشق اسمى صفات الحب
وحين تعشق قلوبنا
نرى الالوان لاول مرة
وتصير الدنيا حلوة بعد ان كانت مرة
تتغير خارطه حياتنا
استطعت ان تجيد التعبير
واعذرنى لو قرأتها ولمستها واحسستها
بوجهه نظرى
ادام الله ابداعك
تحياتى
خواطرى مع الحياة
من اهم امنياتى
ان كلامى يعجب الناس
ولذلك طبعا ان سعيد ان كلامى عجبك
تحياتى
جايدا
لاداعى طبعا للتعزيرات
بالعكس تماما
ان شايف ان كل واحد من حقه
انه يسوعب الكلام او اى فن عموما
بطريقة الى تناسب مشاعره
تحياتى
روعه روعه روعه
اسمحلي أتابعك:)
شرين سامى
ياسلام
دانا اسمح ونص وتلات اربع
ههههه
وانا فى ديك الساعة يا استاذة
تحياتى
حضرتك مبدع بكل ما تحمله الكلمة من معنى
فاتنى الكثير من عدم متابعتى لحضرتك الفترة الماضية
ما أجمل اسلوبك السلس اخي
أخدني معه الى عالمه الجميل
حتى استوطنت شبابيكه وأحلامه الجميلة
بارك الله فيك
جمهورية فوضى
ملحوقة هههه
وعوداٌ حميد
تحياتى
حلم
منورانى
تحياتى
السلام عليكم
صقفه عاليه اوى اوى بقه
الله ينور يا رايق
عجبتنى جدا
وسع كده بقه لما اشوفها تانى
:)
ههههههههه
شوف ياعم
تانى
وتالت
شوف برحتك
اسلوبك مميز و تعبيراتك رشيقة
تحياتي
تريز
بس مش زى اسلوبك طبعاُ هههه
نورتى
ازيك ياصديقي
اولا جميل اوي الجو اللي في مدونتك بذلك اللون الغامض الذي يضفي عليها سحر جميل
اهتمامك بكل التفاصيل يدل علي مجهود جبار مشكور عليه
بالنسبة للبوست الصمت في محراب الجمال جمال وانت ابدعت جدا في تشبيهاتك وتصويراتك
تحياتي الخالصة دمت بخير
اهلا ومرحبا
بسندباد الادب والجمال
اهتمامى نابع من حبى
وزى ما بيقولو الغاوى ينقط بطقيتوه
نورت ياسندبادى العزيز
اية الحلاوة دى كلمات رائعة ومعبرة مبدع والله
متبعاك يا فرناس
نسيت اقولك عجبنى اووووى صور الزعماء والتعليقات
اللى كتبتها تحفة مدونتك جميلة بجد
بما ان دى اول زيارة يا هبة
من بروتوكولات المدونة
ان يقوم الزئر بقراء الفاتحة
عند النُصب التذكارى للذعماء
بينما نحن نتولى القيام بعملية
عزف السلام الجمهورى
ههههه
بجد انا سعيد بيكى
تحياتى
بصراحه يا عباس اول ما قريت كلماتك افتكرتك انك كاتبها لواحده مش لمصر
ولو تتخيل معايا كده هتلاقيها جميله اوي
اما مصر فينكتب عنها دوواوين
بالنسبه لكلماتك تنفع اغنيه
فيها رنين موسيقي جميل اوي
مشكور يا عباس وربنا يخليلك مصر
بنعشقها والله يادكتورة
بس هى مش معبرانا هههه
تحياتى
إرسال تعليق