السبت، 20 نوفمبر 2010

باب ف الصور

                             

                        
                      
                        قلبى العاشق

                        كل "عشية "
                        يسرح  بى

                  بيدورلِك على فجرية

                ـ تفتح طاقة نور ...وجسور

               تفتح باب للناس.... ف الصور

                                                           
                                تاخدِك مرة
           
                تاخدِك مرة من  " لياليكى " !

                 
                            احلا 
                        
                           مافيكى



                          انِك دنيا ...
                  
                       كون وحديكى !

                       زى " المهرة "

                       ماشاالله عليكى


                          لما تطلى 
     
                       من " شبابيكى "


                        الاقى الدنيا


                          كل العالم


                          مستنيكى !

                       و الاقى عيون

                    " بتحوم " حواليكى


                     لاجل تخيب حلمِك

                             تانى

                 وتضيع منِك ف ثوانى


                       اللى فى قلبه ....


                         شوق وامانى


                           اللى يخاف

                            من نسمة 

                             عليكى !


                  
                          كل ما " ادقق "


                         كل ما " اعافر "


                          علشان " المح "


                        مين ف " الصورة " !


                            مين مستنى ؟


                            ومين هيسافر


                            قبل ما روحه


                                تروح


                            " مهدورة " !


                      
                   الاقى  " ماضيكى " !!!!!


                         منين ما تروحى


                         زى " العيل "


                        " شابط " فيكى !


                        لا " ومصهلل "

                         جوة عنيكى !

                       ـ حط " الطبلة "


                       ومسِك " العود "

                           غنا وقال :

                       ـ يا زمان هنعود  
                          
                        ومال " بالعمة "  !


                           ومسا عليكى


                               غنا !


                             غنا ...غُناه 

                           اللى مبكيكى !

                           احلا ما فيكى


                               احلا


                              ما فيكى


                             انِك قادرة


                          على  " اعاديكى "


                              بس الصبر


                           اللى " محليكى " !


                               بس القلب !


                            اللى " مدفيكى "


                              لسة مدارى !


                               دموع اليأس


                               لسة مخبى


                                جراحه


                                 عليكى







هناك 31 تعليقًا:

سواح في ملك اللــــــــــــــــــه- يقول...

مصر في عيون عباس ابن فرناس كلام مالهوش حل ياعبس
جميل فعلا رنا يوفقك تحيه طيبه لعباس ابن فرناس

Haytham Alsayes يقول...

جمييل ياعباس
واقول ايه بس
ياعيني يامصر

تحياتي

sal يقول...

لسه مخبى جراحه عليكى

ما شاء الله عليك ياعبس وعلى احساسك الجميل

الغاردينيا يقول...

مساء الورد

حبيت الموسيقى الشعريه حسيت بيها والقفز بين الصور

والافكار حسيت اني بجري من حرف لحرف بجد وكان الموضوع

كذا لعبة ... بس حسيت كانها ناقصة في لسه شئ باقي

انت مكملتوش ....

ايه يعني ومال " بالعمة " ؟ يعني ايه تقصد عم وعمه

ولا ليها معنى 2 ؟

احساس راقي وجميل اسمتعت بالقراءة ,

Carmen يقول...

الله عليك وعلي اسلوبك
قمة في الرقة والروعة
خاطرة متميزه منتقاه بعناية
دمت مبدعا
تقبل مروري

عباس ابن فرناس يقول...

سواح

كتر العياط
يعلم البكاء
تحياتى

عباس ابن فرناس يقول...

هيثم

ياعينى ويا قلبى كمان

تحياتى

عباس ابن فرناس يقول...

سال

الله يجبر بخاطرك

عباس ابن فرناس يقول...

الغاردينيا

اى خدمة هههه

على فكرة دى مقتطفات

العمة هى : غطاء الراس اوالقباعة

ونقول مثلا فى الصعيد : " طنجر " العمة او مال بالعمة
وهى طريقة من طرق الغزل
تحباتى

عباس ابن فرناس يقول...

كارمن

مصر تنطق الحجر هههه
تحياتى

ツSmiLeY AnGeLツ يقول...

السلام عليكم
والله قرئتها اكثر من مره
كل مااقرئها يجي لحن معاها
فيها ايقاع جميل
بجد روعة
ربنا يوفقك
تقبل مروري
سلامي ليك اخي؟

جايدا العزيزي يقول...

اخى عباس

ما اجمله من قلب

فالعشق اسمى صفات الحب

وحين تعشق قلوبنا

نرى الالوان لاول مرة

وتصير الدنيا حلوة بعد ان كانت مرة

تتغير خارطه حياتنا

استطعت ان تجيد التعبير

واعذرنى لو قرأتها ولمستها واحسستها

بوجهه نظرى

ادام الله ابداعك

تحياتى

عباس ابن فرناس يقول...

خواطرى مع الحياة

من اهم امنياتى
ان كلامى يعجب الناس
ولذلك طبعا ان سعيد ان كلامى عجبك
تحياتى

عباس ابن فرناس يقول...

جايدا
لاداعى طبعا للتعزيرات

بالعكس تماما
ان شايف ان كل واحد من حقه
انه يسوعب الكلام او اى فن عموما
بطريقة الى تناسب مشاعره
تحياتى

Unknown يقول...

روعه روعه روعه
اسمحلي أتابعك:)

عباس ابن فرناس يقول...

شرين سامى
ياسلام
دانا اسمح ونص وتلات اربع
ههههه
وانا فى ديك الساعة يا استاذة
تحياتى

سجل .. أنا مصرية يقول...

حضرتك مبدع بكل ما تحمله الكلمة من معنى

فاتنى الكثير من عدم متابعتى لحضرتك الفترة الماضية

محطات ثقافية يقول...

ما أجمل اسلوبك السلس اخي
أخدني معه الى عالمه الجميل
حتى استوطنت شبابيكه وأحلامه الجميلة
بارك الله فيك

عباس ابن فرناس يقول...

جمهورية فوضى

ملحوقة هههه
وعوداٌ حميد
تحياتى

عباس ابن فرناس يقول...

حلم

منورانى
تحياتى

اقدم عاصمه فى الحب يقول...

السلام عليكم

صقفه عاليه اوى اوى بقه
الله ينور يا رايق
عجبتنى جدا
وسع كده بقه لما اشوفها تانى
:)

عباس ابن فرناس يقول...

ههههههههه

شوف ياعم
تانى
وتالت
شوف برحتك

Tears يقول...

اسلوبك مميز و تعبيراتك رشيقة


تحياتي

عباس ابن فرناس يقول...

تريز
بس مش زى اسلوبك طبعاُ هههه
نورتى

سندباد يقول...

ازيك ياصديقي
اولا جميل اوي الجو اللي في مدونتك بذلك اللون الغامض الذي يضفي عليها سحر جميل
اهتمامك بكل التفاصيل يدل علي مجهود جبار مشكور عليه
بالنسبة للبوست الصمت في محراب الجمال جمال وانت ابدعت جدا في تشبيهاتك وتصويراتك
تحياتي الخالصة دمت بخير

عباس ابن فرناس يقول...

اهلا ومرحبا
بسندباد الادب والجمال

اهتمامى نابع من حبى
وزى ما بيقولو الغاوى ينقط بطقيتوه
نورت ياسندبادى العزيز

هبة فاروق يقول...

اية الحلاوة دى كلمات رائعة ومعبرة مبدع والله
متبعاك يا فرناس

هبة فاروق يقول...

نسيت اقولك عجبنى اووووى صور الزعماء والتعليقات
اللى كتبتها تحفة مدونتك جميلة بجد

عباس ابن فرناس يقول...

بما ان دى اول زيارة يا هبة
من بروتوكولات المدونة
ان يقوم الزئر بقراء الفاتحة
عند النُصب التذكارى للذعماء
بينما نحن نتولى القيام بعملية
عزف السلام الجمهورى
ههههه
بجد انا سعيد بيكى
تحياتى

Dr/ walaa salah يقول...

بصراحه يا عباس اول ما قريت كلماتك افتكرتك انك كاتبها لواحده مش لمصر

ولو تتخيل معايا كده هتلاقيها جميله اوي

اما مصر فينكتب عنها دوواوين

بالنسبه لكلماتك تنفع اغنيه

فيها رنين موسيقي جميل اوي

مشكور يا عباس وربنا يخليلك مصر

عباس ابن فرناس يقول...

بنعشقها والله يادكتورة
بس هى مش معبرانا هههه

تحياتى