لحظة الصدق البريئة
لحظة عمرى ما انسهاش
يوما قلت له الحقيقة
وقال ياريت ما قلتهاش !
و
افترقنا
و الدموع ملو العيون
افترقنا
والسكوت مالى المكان
افترقنا
والجراح بتهد فينا
افترقنا
والسنين قسيت علينا
عمرنا ضاع مننا
انتهينا
وحنا لسة زى ما احنا
منسيناش !
والنهاردة لما شوفته ع الطريق
ماشى
وف نفس المكان !
حاضن القلب
البرئ
حاضن الشوق
والحنان
خفت قلبى يموت
غريق
بس حسيت بالامان
وان عمرى مهما كان
لسة برضو منتهاش
هناك 28 تعليقًا:
جميله يا عباس
كوكو
كل سنة ونتا طيب يا جميل
جميلة اوي ورقيقة زي المدونة كلها
تسلم ايدك واسمحلي ابقي من زوارك
تحياتي
جميله جدا يا عباس
اعتقد ان مش بس الانسان اللي بيعاني بعد الفراق
الأماكن اللي شهدت لحظات السعاده بين القلوب تبكي ايضاً بعد الفراق
مشكور عباس على البوست الجميل
السلام عليكم
جمعة مباركة
مهي الاماكن الي تذكر الانسان باللحظات الي عاشها
حتى لو نساه ستذكره الاماكن والحبيب عمره مايتنسي
واهم شي لما يتحلى الانسان بالشجاعة ويواجه الي امامة والي يفكره ويكون قوي
كلمات ولا اروع احساسك بكلماتك
تقبل مروري
سلامي ليك اخي.
جميله ياعباس تنفع اغنيه جميله
تحيه طيبه ليك
بس حسيت بالامان
وان عمرى مهما كان
لسة برضو منتهاش
******
كلام جميل
وكلام معقووول
تسلم يا عباس
تحياتى
كارمن
ده انا اسمح ونص هههههه
تنورينى والله
خواطرى مع الحياة
على فكرة
وبصرف النظر عن اى عواطف
عندى ارتباط حميم وعجيب بالاماكن
وخصوصا الاماكن اللى عشت فيها طفولتى
تحياتى
وكل سنتة ونتى بخير
ومتشكر على التواصل
حلوه اوي يا عبس
د/ ولاء
فعلا الاماكن اكيد بتحس بينا زى ما احنا كمان بنحس بيها
وعلى فكرة برضو اغنية وديع الصافى (دار يادار) من الحاجات اللى اثرت فيا جدا
تحياتى
سواح
موافق بس بشرط
انتا اللى تغنيها ههههه
ما اكيد صوتك حلو زىك
تحياتى
سال
متشكر
ياعم الرجال
لورنس
انتا احلا
يا صديقى
جميلة جداااا
واحساسها عذب
ارق التحيات
وتحسن ملحوظ بالمناسبه ^_^ مش شايفة اى خطأ عدا ملو
هي ملئ العيون بس دامك بتكتب بلهجتك فسيبها زي ماهي .. تحية ^_^ ( امك الروحانيه هههه )
جاردينيا
تب تدينى كام من عشر هههه
تحياتى
عباس بن فرناس .......
جميلة أوى الأحاسيس والكلمات معبرة رائعة لكن لازم تكملها شلال من الأحاسيس الصادقة المعبرة وفجأة يتوقف
أكملها من فضلك فأنت مبدع
عم فاروق
هو فعلا فيه حاجات انا مبكتبهاش كاملة
لكن باخد مقتطفات منها
علشان بخاف انها تكون مملة
بس على العموم حضرتك حمستنى
وانشاء الله
اللى انزله بعد كدا يكون كامل
تحياتى
الله على الانغام
حاسه انى فى حلم جميل
ولقتنى معاك بدندن مع احلى كلام
حقيقى رائعه
ابدعت اخى
ادام الله ابداعك
كل عام وانت بخير
تحياتى
أخى الكريم
أحيي كلماتك الرائعة ...وهذا الإحساس الراقى
تقديرى واحترامى
بارك الله فيك وأعزك
حلوة ياعباس الكلمات
والاحاسيس
كل سنة وانت طيب
جايدة
كتر خيرك
وكلو من خيرك
هههه
تحياتى
الجرايحى
ربنا يبارك فيك
هيثم
منور ياهيثم
تحياتى
كلامات جميله ولو الاماكن نطقت هتقول كتير وانا حاسس انها بتبكي في صمت من غير دموع من غير صوت بس زعلانه على اللي بيضيعه الواحد مننا بايديه
تقبل تحياتي
علشان كدا انا بحس بارتباط عجيب بالاماكن
سواء كانت سايبة عندى زكرة وكويسة او وحشة
تحياتى
للقهر آلام لا تطفئها الايام
ووللزمان وقفات بالغدر
وللايام وقفات لموت الاحلام
غضب وسخط لا يوازي صوت قلمي
فاسكتني ثوران حرفك وابداع قلمك
بصمت يصهر خلايا الروح ويسحق الغيم
فيجف المطر وتنهمر الدموع
لك
باقة ياسمين كــ نقاء حروفك
ان كانت حروفى نقية
فاليست فى نقاء ورشاقة وجمال عباراتك
تحياتى
مرحبا بكى
إرسال تعليق