ليل ياعين
عين ياليل
الرمش دوخ اجدعها فارس
ملوش مثيل !
البسمه / نسمه
والضحكه راسمه
على الوش غربة..موال حزين
ليل ياعين
عين ياليل
الدم نازف
من كل وادى
وعلى كل جسر
من القلب الاخضر
قلبك ... يامصر!
كبدى عليكى
عصروكى عصر
عصروكى
عصر
ولسه انتى صابره
وصبرك جميل
زيك يامصر
ليل يعين
عين ياليل
ليل يعين
عين ياليل
انا حلمى مات ـ علشان هزمتهُ
والدمع فاض ـ لمه كتمته
بعلو صوتى ـ كان نفسى اصرخ
بعلو صوتى
لكن
عدمته
وانا قلبى كله مليان عويل
انا قلبى كله
مليان
عويل
ليل ياعين
عين ياليل
ليل ياعين
عين ياليل
هناك 18 تعليقًا:
روعه يابن فرناس تحياتي
ولسه انتى صابره
وصبرك جميل
زيك يامصر
انا حلمى مات ـ علشان هدمتهُ
والدمع فاض ـ لمه كتمته
بعلو صوتى ـ كان نفسى اصرخ
بعلو صوتى
"""""""""
احساس جميل
وكلام حلو بس يا عباس
كدا حاجة تزعل
عايزين شوية امل فى الاخر
تحياتى
اسلوب جميل ^_^ في الكتابة بس جديد عليا هههه
تحياتي ,
سواح
انتا الاروع يامعلم
جمهورية فوضى
لسه انتى قادره
فى عنيكى بُكرة
ميت الف نصر
سال
بتاكيد فيه امل..يس ضعيف حبتين هههه
بجد فيه امل والا ماكنت كتبت
وبتاكيد ماكنت حضرتك قراءت
الغاردينيا
لاجديد تحت السماء الا ما تقولينه انت
تحياتى
تلميذك الخايب
عباس .........
الله الله الله على الكلام الجميل فى الزمن العليل
والله مانى سايبك ياعباس!*!وحاقول لأبوك ووالدك فرناس
إنك بتقول كلام حساس!*!وأن إبنك بقى واد ترباس
بيقول شعر لكل الناس!*!حايخليه بالسما قمر وناس
وبياكل فول أشهر دماس!*!ربنا يحميه من شر الوسواس
ماشوفو أبدالابس قرطاس!*!ويبعد عن عينه كل خناس
عمو/ فاروق المحتاس
جميل اوي يا عباس
بصراحه اجمل بوست ان زورته في مدونتك
عجبني اوي الجزء ده
ليل يعين
عين ياليل
انا حلمى مات ـ علشان هزمتهُ
والدمع فاض ـ لمه كتمته
بعلو صوتى ـ كان نفسى اصرخ
بعلو صوتى
لكن
عدمته
وانا قلبى كله مليان عويل
انا قلبى كله
مليان
عويل
ليل ياعين
عين ياليل
مشكوووووووووووور
لا انامش كد الكلام الجميل ده ياعم فاروق
حضرتك زجال كبير وانا مقدرش اجاريك نروحلك فين بقا هههه
الف تحيه واالف شكر
انا سعيد ان كلامى راق لحضرتك يادكتورة
تحياتى
جيت هنا قبل كده وتركت تعليق هل هو مااتنشرش
ولا ايه مش عارفه
؟؟؟؟؟؟؟؟
شمس النهار
التعليق الاول لم يصل
واهلا بيكى فى كل وقت
زكمت أنفى يا عباس وقولي شبشب الأعتراف كان بورده ولا من غير وردة وشكرا على القهوةإمبارح .
المتر
اهههههههههههههه
كان بوردتين وحياتك يامتر ههههههههه
ولاشكر على واجب
تحياتى
انا بعد اذنك غنتها الكلامات حلوة اوي بصراحة اسمعني يمكن تعجبك https://allihoopa.com/s/6EOH60dq
انا عاوز كلمات اغنيه حلوه
إرسال تعليق