الاثنين، 1 نوفمبر 2010

موال حزين

           

                
                                                   ليل ياعين
                                                   عين ياليل
                                        الرمش دوخ اجدعها فارس           
                                                  ملوش مثيل !
                                                البسمه / نسمه 
                                              والضحكه راسمه
                                     على الوش غربة..موال حزين

                                                  ليل ياعين
                                                  عين ياليل
                                                  الدم نازف
                                                 من كل وادى
                                                وعلى كل جسر
                                              من القلب الاخضر
                                               قلبك ... يامصر!

                                                  كبدى عليكى
                                               عصروكى عصر
                                                   عصروكى
                                                     عصر
                                               ولسه انتى صابره
                                                 وصبرك جميل
                                                   زيك يامصر 

                                                    ليل يعين
                                                   عين ياليل
                                       انا حلمى مات ـ علشان هزمتهُ
                                          والدمع فاض ـ لمه كتمته
                                     بعلو صوتى ـ كان نفسى اصرخ
                                                 بعلو صوتى
                                                     لكن
                                                   عدمته
                                        وانا قلبى كله مليان عويل  
                                               انا قلبى كله
                                                   مليان
                                                  عويل 
       
                                                ليل ياعين
                                               عين ياليل

هناك 18 تعليقًا:

سواح في ملك اللــــــــــــــــــه- يقول...

روعه يابن فرناس تحياتي

سجل .. أنا مصرية يقول...

ولسه انتى صابره
وصبرك جميل
زيك يامصر

sal يقول...

انا حلمى مات ـ علشان هدمتهُ
والدمع فاض ـ لمه كتمته
بعلو صوتى ـ كان نفسى اصرخ
بعلو صوتى

"""""""""

احساس جميل
وكلام حلو بس يا عباس
كدا حاجة تزعل
عايزين شوية امل فى الاخر

تحياتى

الغاردينيا يقول...

اسلوب جميل ^_^ في الكتابة بس جديد عليا هههه

تحياتي ,

عباس ابن فرناس يقول...

سواح
انتا الاروع يامعلم

عباس ابن فرناس يقول...

جمهورية فوضى
لسه انتى قادره
فى عنيكى بُكرة
ميت الف نصر

عباس ابن فرناس يقول...

سال
بتاكيد فيه امل..يس ضعيف حبتين هههه
بجد فيه امل والا ماكنت كتبت
وبتاكيد ماكنت حضرتك قراءت

عباس ابن فرناس يقول...

الغاردينيا
لاجديد تحت السماء الا ما تقولينه انت
تحياتى
تلميذك الخايب

فاروق سحير ( فاروق بن النيل ) يقول...

عباس .........
الله الله الله على الكلام الجميل فى الزمن العليل
والله مانى سايبك ياعباس!*!وحاقول لأبوك ووالدك فرناس
إنك بتقول كلام حساس!*!وأن إبنك بقى واد ترباس
بيقول شعر لكل الناس!*!حايخليه بالسما قمر وناس
وبياكل فول أشهر دماس!*!ربنا يحميه من شر الوسواس
ماشوفو أبدالابس قرطاس!*!ويبعد عن عينه كل خناس
عمو/ فاروق المحتاس

Dr/ walaa salah يقول...

جميل اوي يا عباس

بصراحه اجمل بوست ان زورته في مدونتك

عجبني اوي الجزء ده

ليل يعين
عين ياليل
انا حلمى مات ـ علشان هزمتهُ
والدمع فاض ـ لمه كتمته
بعلو صوتى ـ كان نفسى اصرخ
بعلو صوتى
لكن
عدمته
وانا قلبى كله مليان عويل
انا قلبى كله
مليان
عويل

ليل ياعين
عين ياليل


مشكوووووووووووور

عباس ابن فرناس يقول...

لا انامش كد الكلام الجميل ده ياعم فاروق
حضرتك زجال كبير وانا مقدرش اجاريك نروحلك فين بقا هههه
الف تحيه واالف شكر

عباس ابن فرناس يقول...

انا سعيد ان كلامى راق لحضرتك يادكتورة
تحياتى

شمس النهار يقول...

جيت هنا قبل كده وتركت تعليق هل هو مااتنشرش
ولا ايه مش عارفه

؟؟؟؟؟؟؟؟

عباس ابن فرناس يقول...

شمس النهار
التعليق الاول لم يصل
واهلا بيكى فى كل وقت

المتر يقول...

زكمت أنفى يا عباس وقولي شبشب الأعتراف كان بورده ولا من غير وردة وشكرا على القهوةإمبارح .
المتر

عباس ابن فرناس يقول...

اهههههههههههههه

كان بوردتين وحياتك يامتر ههههههههه

ولاشكر على واجب
تحياتى

Unknown يقول...

انا بعد اذنك غنتها الكلامات حلوة اوي بصراحة اسمعني يمكن تعجبك https://allihoopa.com/s/6EOH60dq

Kamba يقول...

انا عاوز كلمات اغنيه حلوه