عودين كبريت

                                     

                           


                        ضلمة ـ وبرد ـ رعد ومطرة ـ ياس وشوك


                           ليل بتذعاق فيه " وطاويت "


                           لاذم  حد يدوس على حلمك


                           لو فى طريق العتمة مشيت 


                          انا بصدفة عترت فى شمعة !


                          حد فى جيبو عودين كبريت ؟


                                       .........


                                ممكن شمس تنور ليلك


                                لوقلبت فى دفتر قلبك


                                لوفتشت اكيد هتلاقى  .....


                               شط وبحر ـ ضلة وبيت


                                      حارة وشارع


                     على نصيتهم ــ ياما فرحت ـ و ياما بكيت


                                ياما وقفت ....  وستنيت


                             قمرا بتفتح  ـ شيش بلكونة !


                               قمرا ولابسه عبايت بيت


                              طالعة بترمى  حبال الصبر


                              علشان تخطف اهت قلبك


                             وعلشان توصل شط عنيها


                              لازم تكشف  سر غويط


                                          ........


                                  لوفتشت اكيد هتلاقى


                                صاحبك لسه هناك مستنى


                                   حد يطمن  قلبه عليك


                                  فاكر ونتا زمان بتغنى


                                 وهوا يطبللك ع الحيط


                                فاكر صاحبك ولا نسبت !
                       
                                ونتا هناك  واقف بتصلى


                                راح وفردلك سجاد قلبه


                                 حط صليبه وقام يفد يك !


                                          قرب منه


                                          يقرب ليك


                               اشبك تانى ايديه فى ايديك


                                            .....
                             


                               لسة النور فى القلب ما غاب


                                  لسة اصالة روحك حية


                                لسة الناس اخوات ـ احباب


                               مهما تشوف من بعض قاسى


                                         ..........


                         ضلمة وبرد ـ  رعد ومطرة ـ ياس وشوك


                                ليل وبتذعق فيه " وطاويت "


                                لاذم حد يدوس على حلمك


                                لو فى طريق العتمة مشيت


                               انا بصدفة عترت فى شمعة !


                                حد فى جيبو عودين كبريت ؟


                              


                              

المهر

    

     


                                    بينى وبينِك ... كان فيه بحر !

                                 وانا معرفش اروح  _ غير ليكى


                                  وانا معرفش اموت _ غير فيكى


                                 وانا مش (موسى) ....ولا فرعون !

                                                ولا بحار


                                          ولا صاحب (فُـلك)


                                       ولاشيطان يقدر ع السحر


                                               انا انسان


                                              المفروض !


                                             ان انا غلبان


                                            مولود غلبان !


                                      طارح من طينة ارضِك


                                     غصنِك ـ ضلك ـ عرضك


                                   اللى استعصى على (الكُهان)


                                                ............


                                             من يوم ما وعيت


                                        اسمع عنك بس  حديت


                                            من يوم ما وعيت


                                 يقولولى   حاجات ولا ف الحواديت


                                 فيه ناس بيقولو انك جدة لبلاد الارض


                              فيه ناس بيقولو انك  شابة ...... شيبها الحزن


                             فيه ناس بيقولو انك (ملكة) .... مسلوبت عرش


                                   عشقوكى ملوك بطول والعرض


                                  وخانوكى ملوك بطول والعرض


                                 الدنيا بحالها بتتحاكة بالخير والشر


                               الدنيا بحالها بتتحاكة ومش عارفة السر !


                                            وتعدى الايام وتمر 


                                       وانا لسة فى ضل الاشواق


                              على شطك واقف ـ مستنى ـ تبوحيلى بسر


                                        تحكيلى حكيتك ـ بظبط


                             تقوليلى كل اللى انا عارفه ـ ومش عارفه !


                               كل اللى انا سامعه ـ وفاهمه ـ وحافظو


                                        تحكيلى علشان اصدق


                                          ـ ولو انى مصدق


                                  بلعكس انا يمكن مؤمن بيه اكتر منك




                                 ـ     احكيلى بنفسك ـ من نفسك


                                        لونفسك ..... يطمن قلبى


                                        يعرف انك ليه ـ  وحديه


                                      مهما ان طال اوقصر العمر


                                     مهما ان شاخ فى عنيه الدهر


                          يعرف انه اكيد مـُطر يدفع مهرك .... شلال  ـــ دم




                                                  ...........


                                    يوم ما دخلت  ـ  ميدان تحريرك


                                       يوم ما كتبت بدمى مصيرك


                             يوم ها عرفت ان فى عمرى ما هعشق غيرك


                                          يوم ما قطعت حبال الصبر


                                      ودبحت الخوف ( وتويتو) فى قبر


                                         بينى وبينك كان فيه ـ جسر


                                        وبينى وبين الموت كان  شبر


                         ـ قرب منى ـ اتبسم لى ـ خدنى فى حضنه وقال ـ معلش


                                                   كان خجلان


                                         ـ حط عنيه منك فى الارض !


                                                  ..............


                                          يوم ما عرفت طريقك فين


                                         يوم ما زحفت وراء الملايين


                         وانا مش خايف ـ ولا قلقان ـ ولا حيران ـ ولا مسكين ـ 


                                        ولا مزروع فى العتمة حزين


                                          يوم ها الصبح فرد جناحته


                                             قبل الليل ما يلم حاجاته


                                         وقبل الشمس ما تملا المطرح


                                           شفت ربيع العمر بيطرح


                                        شفت وشوش الناس ـــ فيضان


                                          بحر بيروى وطن عطشان


          شفتِك جاية ـ ومتحنية ـ و متوضية ـ ومصلية ـ و رافعة رايات النور ـ والنصر


                         

فى عرض النبى فهمونى

   
      فى عرض النبى يا اخوانا اللى لسه قاعد فيه عقل وفاهم حاجة يفهمنى علشان انا 


البرج   اللى كان  فاضل  انضرب خلاص .....     او يمكن اكون صعيدى حمار مبيفهمش

على هامش الثورة (2)

بتاكيد معظمنا يعلم ان قدر هذه الامة ن تعيش على ظهر ارض  هى بؤرة الصراع 


الكونى على مدار تاريخ البشرية .




ان ما يحدث الان فى عالمنا العربى يقينا هو شى مصيرى سوف يترتب عليه مستقبل 


وتاريخ الامة كلها وربما العالم ايضا .


برغم ما يحدونى الان من تفاؤل كبير الا انه لا عجب فى ان يصيبنى احيانا شى من القلق 


وربما الفزع لاننى لم استطيع ان احدد بوضوع الى اين ياترى نحن ذاهبين .


وحينما احاول ان استشرف بعض من غموض المستقبل عيناى لا تطيق الانتظار


ويتراء لى اننى قد استطيع وحدى ان انفض ذلك الغبار الجاسم على صدر الايام العجوز 


.. البكر


وفى النهاية اوحاول ان اتسلل من بعيد فاكاد ان ارى امة قد افاقت ليتوها من غيبوبة كانت 


قد دخلت فيها منذذ اكثر من ثلاثة قرون .


استطيع ان اقول وبرغم كل ما اكده العلم والعلماء طيلة الاعوام الماضية من ان هذه 


الارض ليست بركانية بتاتا


الا ان المفاجئة قد حدثت فبلامس القريب قد انطلقت اول  حمى بركانية من قلب الاراضى


 التونسية واخرى من الاراضى المصرية وغيرها فى ليبيا واليمن وسورية والبحرين من


 ثما باقى الاقليم العربية


ان هذا البركان العنيف والجبار مهما ان اتسعت دائرة خسائره فى النهاية سوف ينكمش 


وينزوى فى باطن الارض ليترُك لنا تراب خصب وارض طاهرة ونقية .. صالحة لحياة

بينات اشهداء

البيان رقم (1)

          (الشهادة ام العبادة )   

             كل فجر وليكى عادة

           تصرخى فى العتمة ترحل

             تندهى للصبح يصبح

              تنفخى فى الجرح يدبل

             تنفخى فى الحلم يطرح 


             يتملى قلبى ارادة

                   .....

             يهرب الخوف من طريقى

              ينده الزمان على 

            - انتا فينك ياصديقى

              ينتفض قلبى وعروقى

              يبتدى عمرى الحقيقى


                يجتمع شملِك وشملى

              من شفيفك ابل ريقى

              وفى عنيكى اتوه زيادة

                      .....

             وانتو يا اصحاب السعادة

              يااللى لابسين البيادة

               انتو حافظين الامانة

              واحنا طالبين السيادة

              انتو مدرسة البطولة

               واحنا طلاب الشهادة

             انتو فاديينها بصدوركم

              واحنا فاديينهابدممنا

             انتو زرعينها فى قلوبكم

              وحنا عابدينها عبادة

      
(الشهادة ام العبادة كل سنة وليكى عادة)
هذه الجمل هى بمثابة تعويزة قديمة
يتمتم بها الجنوبيين قبل السباحة فى نهر النيل
تحسبا للغرق


            

على هامش الثورة (1)

                 


           يظهر خلاص يابلادى


           بانت خيوط الفجر

          طلعت عليكى الشمس

          وان الاوان مركبنا


         ترمى الجلوع ع الشط

               .....


          سقطت حصون الكفر


          هربت جيوش الشرك

          عدت ليالى الياس


           مرت سنين القحط


         ياقلوب يا عطشانة


           خايفة ودبلانة 


          طرحت خلاص الارض 


         ماعادتشى خويانة


          لما رواها الدم


         حنت لنبض الشعب


        صحيت حاجات جواها


        وصحيت حاجات جوانا


               ....


         والله ... ولينا عمر


           ومن تانى شفناكى


           قالعة نياب الشر


          كاسرة رقاب الظلم


           رافعة ريات الحق


            ثايرة وغضبانة


                ....


             يدك على يدى


           عدى الحواجز عدى


          ان الاوان يابلادى


           نفتح ببان النور


           ونسبق امانينا

            السكة قدمنا

            والحلم مستنى

            راجع ومتحنى


           ومحادى خطاوينا


           من تونس الخضرة


            تونس الثورة


             تونس الحرة


            لاحت البُشرة


          والنصر بان لينا


           النصر بان لينا


          




         

                                                

بياع الطراطير

                            فنان انا والله  

                           وفنى خطير !

                         من غير جناحات

                            بحلم وبطير

                            لفيت الدنيا

                           عشقت كتير

                          صاحبت الناس

                           غنى وفقير

                          وغويتى الحب

                           وفعل الخير

                          وغويتى ابيع

                          للناس طراطير


                             طراطير

                             طراطير

                             طراطير

                             طراطير


                        يا ولاد يا بنات

                        بصو يا قمامير

                       فى عنيى الدنيا

                         نسيم وعبير

                       وفى قلبى تلاقو

                       حرير فى حرير

                         وتلاقو بلاد

                       كان ليها امجاد

                        بس الاسياد

                       زرعوها فساد

                       طرحت يا ولاد

                        هم واحزان

                    وانا مهما ان كان

                     قلبى الهيمان

                     رغم الحرمان

                     فى ليل ونهار

                     واقف زنهار

                     بين جنة ونار

                    ولجل المقدير

                     لسانى بغير

                    و لجلك يا بلاد


                        طراطير

                        طراطير

                        طراطير

                        طراطير


                  و مناخير السبع

                   سبع مناخير !

                   يحكم فى الناس

                   والحكم يصير

                    مع انه عجوز

                   خرفان وحقير !

                 وفى الغابة غلابة

                    وشعب اسير

                 على باب الموت

                   واقف طوابير !


                       طراطير

                       طراطير

                       طراطير

                       طراطير


                   يا نظام ياهُمام

                       ياعظيم

                       يا كبير

                 يا ابو شنة ورنة

                   ونار وسعير

                  يا مكدر شعبك

                   احسن تكدير

                  كان فين جبروتك

                  ساعة التفجير !

                  كان فين جبروتك

                   ساعة التفجير !


                        طراطير

                        طراطير

                        طراطير

                        طراطير



             كل سنة ونتو طيبين يا اخوانى الاعزاء

                                            انتو وبس

                                          والوحشين لا

                   وعقبال ما  الرياض تستقبلك انتا كمان يا اللى فى باللى

                                          وحشتونى بجد

                                        تحياتى المستعطره