الأحد، 9 سبتمبر، 2012

تحت الشبابيك

 
يرضيك!
يتبعتر حلمى
وانا واقف تحت الشبابيك
مستنى عنيك ـ 
 تحدفلى البسمه / النسمه اللى تداوى جروحى
وحدفلك روحى تتونس بيها
وتتونس بيك
.........
يرضيك!
وانا ماشى ف غربة لياليا
بزرعلك فجر وصبحيه
فى قلب العتمه الاقيك
بتدارى الدمعه اللى فى عينك
وفى عز حنينك بتقاسى جراحك وحديك
يرضيك!!!!

هناك تعليقان (2):

reemaas يقول...

لا طبعا مايرضنيش بتاتا :)

جميلة ياعبس جدا

عباس ابن فرناس يقول...

هههههههههههه
طب منفضالى ليه يادكتوره!!!!!!!

تحياتى المستعطره