الجمعة، 31 أغسطس، 2012

"غنوة العصفور"


مبقاش يهم
مزروعه الخطاوى/غناوى
ولا..........
ياقلب ناوى تبدرها مُحال
وجبال
"ويم"

مبقاش يهم
لسه الاغانى عشانى
ولا......
لحن الوتر احزان....... وهم

مبقاش يهم
تطيب الجروح....وتروح
ولا......
هتبكى علينا/عنينا
بدل الدموع....دم

مبقاش يهم
راجعه الطيور للنور
ولا....
العتمه لسه بحور
ياغنوة العصفور
مبقاش يهم

ايه اللى واجع قلوبنا
اهت انين غاويه تشيبنا!
ولا....
اهت حنين بتدق على بابنا ؟
ساعة تقربنا
وساعة تغربنا
ولما الشوق على جمره يقلبنا
نطير...
كما العصافير
ندور على جنة حبايبنا
وكل شىء ف القلوب متشال
الحزن والفرح
الجرح والاهوال
وف الحال نمزع شرايين الوجع
ونغزلها خيوط للفجر
والموال

ايااااا وجع قتال وصوال وجوال
شديت الرحال؟
ولا....
نسيت الطريق ياعم !
مبقاش يهم

كل السكك بتودى
كل الدروب بتعدى
لبحور العسل والسم

ومبقاش يهم

حافظين الطريق
ولا....
"ناسيين الطريق صم"
مبقاش يهم

هناك 6 تعليقات:

لورنس العرب يقول...

فنان

sun of free dom يقول...

جمييلة ماشاء الله

سواح في ملك اللــــــــــــــــــه- يقول...

عودة قوية ياعبس

نورت مدونتك وجمدا لله علي سلامتك

عباس ابن فرناس يقول...

لورنس

وحشنى

وكل سنة ونتا طيب

...........

هند

زيارتك هى الاجمل

تحياتى

........

سواح

الله يسلمك ياصديقى

كريمة سندي يقول...

كلمات تدل على فكر راقي الطرح تحياتي الصادقة

عباس ابن فرناس يقول...

كريمة السندى

اشكرك

وتحياتى المستعطره