أبى....مات

برغم اننا قد تعودناه منتصرا في كل ازماته الا انني كنت قلق جدا هذه المره ليس فقط لتدهور حالته .   كان في عينيه قرار بالانسحاب ورغبه في السلام. سلام اشبه باستسلام وانسحاب اقرب الي هذيمه!  وانا الذي لم اعهده مهذوم من قبل. اللعنه على المسكنات ــ لافائده ياولدى .........فقط ادعو لى الله ان يمن على بالشفاء او الموت:)---كانت هذه كلماته ـ دعوت له بالشفاءـ  لكنه الموت كان اقرب الى الفوز بجولته الاخيره عزائى انه بداء اكثر نبل واقل قسوة برغم انتصاره الوحيد رحمك الله يا ابى

العشق فيرس خطير
وليه نشؤى كمان اخطر
تحاول تسيطر عليه....ينتشر اكتر
يصيب القلب بالجلطه
ويحلى الجلطه بالسكر
تحس الدنيا بتمطر
تحس الجو متعطر بزهرة صيف...
لسه عيونها بتفتح على نسمه...فتجرحها
يطير شوقك...ويلمحها
وبين اها......واها
يمرجحها
فتستغرب
ولما القلب يتكهرب
تقول اهرب!
تروح على فين؟
وهى السكه....هياها
مفيش ملجأ ولامهرب
مهما حاولت تتشطر
ومهما العلم يتقدم
ومهما الطب يتطور

كتاب العشق فيه ابيض

صعب فصوله تتسطر

ولو انتا عرفت ومجرب

اكيد عندك كلام اكتر؟

نبؤات

ياتربها يامتحنى بدمى
سايق عليك الوجع.....قول
مين البطل ومين الخسيس فى دول

اللى راح قاتل
ولا اللى رجع مقتول

مين القوى ومين الضعيف فيهم
اللى فى كتفه سلاح
اسود
على وشه "وشاح"
مكتوب على جبينه يعيش مذلول

ولا اللى من بين عنيه تلمح نبؤة نبى
ورسالة رسول!

سايق عليك الوجع قول

ممكن نعاتبك؟

ليه فى عينيكى براح وليه بتضيقى علينا!

 وقبل ما تعيدى الجراح مش كنتى شاورينا!
احنا اللى فقعنا بطون الوجع وشقينا بحور العتمه بـ  ايدينا
لجل ما نرسى فى حضنك الدافى من تانى
وياريتنا مارسينا
ويا ريتنا مارسينا

فاجعه

" فاجعة "

فى الخريف ماتت طفلتها ....... كانت رابطة الجأش ـ لم تجزع ..... وفى الشتاء خرجت

على الناس وهى تولول وتهيل التراب على رأسها ...... "تنعى بقرتها الوحيده! ."

ياحزن صحف شويه ........... هات قلبى من على حجرك

يافرح اتصدق على.......................وليك صوابك واجرك

"بروستاته"

ارسل اليه ابيه من يطلبه فى عجل
جاء الابن مهرول ليجده مطروح على فراش وهو يبدو فى حالة اعياء شديدة وتأوه مستمر
اشار اليه أبيه بى اصبعه السبابة ان اقترب ، جلس الابن الى جواره وبعد ان وضع كفه فى كف ابيه الباردة كالثلج ، راح يوصيه بالاتى : ان اذهب فورا وجهز قبرا يليق بابيك و لاتنتظر اخوتك حتى ياتو من القاهر لتشييع الجنازة فان اكرام الميت دفنه اخرج الى السوق ونادى فى الناس ـــ من له عند أبى جنيه فالياتى وياخذ اثنين واخيرا اوصاه بى أمه خيرا ـ لانها تعبت من اجله كثيرا ثم راح فى نوم عميق! ، وفى الصباح استيقظ  وهو فى حالة نشاط كامل ثما تمطىء وهو ينادى زوجته المسنة لكى تعد له وجبة الافطار ثم اخذ يعدد لهاـ على اصابع اليد ـ ما يريده من اصناف ولكن الزوجة قاطعته فجاءه لتقول: انبوبةالغاز فارغة منذ امس ،فراح الرجل يكيل اليها السباب والعن وهو يتوعدها:من الغد سوف اتزوج غيرك ايتها العجوز الخرف ، فبادرته الزوجة وهى  تتقصع  فى مشيتها كشابة فى العشرين وتقول : مش لما تعمل "البروستاتة" الاول ياحج!

تحت الشبابيك

 
يرضيك!
يتبعتر حلمى
وانا واقف تحت الشبابيك
مستنى عنيك ـ 
 تحدفلى البسمه / النسمه اللى تداوى جروحى
وحدفلك روحى تتونس بيها
وتتونس بيك
.........
يرضيك!
وانا ماشى ف غربة لياليا
بزرعلك فجر وصبحيه
فى قلب العتمه الاقيك
بتدارى الدمعه اللى فى عينك
وفى عز حنينك بتقاسى جراحك وحديك
يرضيك!!!!

لعنة

ملعون ابوك ياعشق
ملعون ابو اللى جابوك
زرعت بحرك حلم          

طرح فى قلبى شوك !!!!

      ....

زليت قلوب الناس
سويت عبيد بملوك
لا طب ليك ولا دواء
يندار فى كاس الهوى
يشفى عليل مهلوك

ملعون ابوك ياعشق
ملعون ابو اللى جابوك

"غنوة العصفور"

مبقاش يهم
مزروعه الخطاوى/غناوى
ولا..........
ياقلب ناوى تبدرها مُحال
وجبال
"ويم"

مبقاش يهم

لسه الاغانى عشانى
ولا......
لحن الوتر احزان....... وهم

مبقاش يهم
تطيب الجروح....وتروح
ولا......
هتبكى علينا/عنينا
بدل الدموع....دم

مبقاش يهم
راجعه الطيور للنور
ولا....
العتمه لسه بحور
ياغنوة العصفور
مبقاش يهم

ايه اللى واجع قلوبنا
اهت انين غاويه تشيبنا!
ولا....
اهت حنين بتدق على بابنا ؟
ساعة تقربنا
وساعة تغربنا
ولما الشوق على جمره يقلبنا
نطير...
كما العصافير
ندور على جنة حبايبنا
وكل شىء ف القلوب متشال
الحزن والفرح
الجرح والاهوال
وف الحال نمزع شرايين الوجع
ونغزلها خيوط للفجر
والموال

ايااااا وجع قتال وصوال وجوال
شديت الرحال؟
ولا....
نسيت الطريق ياعم !
مبقاش يهم

كل السكك بتودى
كل الدروب بتعدى
لبحور العسل والسم

ومبقاش يهم

حافظين الطريق
ولا....
"ناسيين الطريق صم"
مبقاش يهم

"بركة"

شعبان العبيط كل يوم يبيض يدى " الدحية " لامه تعمله " بكسويت " :) قبل ان تجلب رياح الزكريات البعيدة الى ذهنى ذلك الايقاع المتهالك لتلك الكلمات القديمة ، كانت قد حملتنى قدماى وبالصدفة الى المرور فى شارع شعبان اوكما كنا نسميه ونحن صبية صغار " شعبان العبيط ".
تحت شجرة "السنط" العجوز المواجهة لمنزلة والتى مازالت تظل بعض من القبور القديمة المهجورة والتى ومن بعيد تلمح "شعبان" فوق واحد منها مستلقى على...ظهره فى استرخاء تام عاقد زراعيه تحت راسه بينما احدى ساقيه مشتبكة مع غصن الشجرة المتدلى والملىء بالأشواك محدث فى الشجرة هذات عنيفة تسمعها عن بعد على الرغم من علامات الشيخوخة والاجهاد الشديد الذى بدى عليه ، والى جواره كلبه الصغير 

يحاول باسنانه العبث بشاله المتدلى من كتفيه تاره ، وتارة اخرى ينبح بى اتجاه اولئك الصبية المتجمهرين على مقرية منهما وهم 

يصفقون ويتصايحون فى هرج ومرج : بركة ماتت ياشعبان وحياة كلبك الجربان ....بركة ماتت يا شعبان ....

حاولت انا بدورى ان اصرفهم عنه لكنهم لم يبالوا ، لكن لابئس أنا أعرف ان هذه هى احدى وسائل المذاح السمجة لدى القرويين خصوصا مع أولئك الذين يعتقدون انهم مجاذيب !
وعلى الرغم من ذلك وعلى غير العادة لم ينجح اولئك الصبية ـ الى الان على الاقل ـ فى استفزاز اواثارة غضب شعبان الذى كان قد بدى اخيرا فى النهوض مستندا على عكازه الحديدى الذى تناول به" صرة " صغيرة كانت معلقة فى غصون الشجرة المتدلية والتى راح يخرج منها بعض القيمات المتيبسة ثم اخذ يلقيها قطعة ـ قطعة الى داخل ثقب صغير كان قد احدثه بعكازه فى سطح القبر الجالس فوقه!
وحينما اقتربت منه كانت قد بدت على وجهه ابتسامة كبيرة وهو يتمتم : قومى يابت اتغدى
ثم فى الحاح ـ قومى يا " بركة " اظعطى العيال ولد اللبؤة من هنا
ثم فى عصبية شديدة وهو يراقب كلبه فى حذر ـ الذى كان قد بدى يستعد فى هذ ذيله طمعا فى بعض اللقيمات ـ ثم فجأة وشكل هستيرى أخذ شعبان يُشيح بعكازه فى يمينا ويسار فى الهواء بعصبية شديدة وهو يصرخ : قومى يابت الكلب قومى يابت من هنا !
حتى أختل توازنه فسقط على ظهره لكى يتناثر ما تبقى فى يده من لقيمات لينقض عليها كلبه المتحفز ملتهم اياها فى شراهة بالغة ، كان شعبان يراقبه فى استسلام تام وهو يرفع احدى ساقيه كى يتبول فى داخل الثقب النافذ الى القبر حينها راح شعبان يقهقه وبصوت مجلجل وهو يشير الى كلبه بعلامات الرضا والاعجاب وهو يقول : ايوه " ازجيها " النجسة بنت النجس ـ ازجيها خليها تقوم ـ جدع والله ابوك راجل ! ، ثم وضع شاله البالى على وجهه الذى انعكست عليه اشعة الشمس الحارقةواخذ يتمتم من جديد: قومى يا بركة يا أختى روحينى
قومى يا " بركة " نروح من هنا ! ، ثم غام فى صمت لا تسمع منه غير أنات متقطعة واهات متحشرجة ينما كلبه راح يتسلل ببطء حتى غاص تحت شاله القطنى ثم ذهب الاثنين فى نوم عميق !
ينما رحت أنا اتحسس رأسى باحث عن شجة قديمة كانت قد احدثتها فى رأسى " بركة " شقيقة شعبان الوحيدة ذات الملامح الذكورية المرعبة والتى لولا أننى أيقن بأنها ترقد الان داخل هذا القبر الذى ينام فوقه شعبان ما كنت لأجرىء على مجرد الاقتراب !

"ليل الحزن"

يا موج البحر يا ..... غضبان

مين قالك ........

ما بتعديش المايه على عطشان !!!!!!!

أنا عدت على بحور ....
 
  ومحظور ........ على قلبى يبات رويان

ومحظووور على النور

يشُق العتمه ويزور

سواد ليلى

مواويلى .....

تغنيلى

وتشكيلى

( بحور العشق يا ولدى ما ليها أمان )

( بحور العشق غداره وقهرت ياما فرسان )

...............

يا موج البحر يا ....... غضبان

أنا جيتك ..... وناجـِيتك

وأنا شايل ..........

حنين قلبى

على كفوفى

ومن شوقى

ومن خوفى

نسيت أسمى

نسيت الاهل

والاوطان !

ومابين الشط والمايه

رميت بذرت امانيا

وليل الحزن ....

أغنيه

تذيد القلب احزان

تقول : لسه ما انش أوان !

وانا خايف

سنين عمرى

تصيع منى

وأنا واقف

على الشط مستنى

رفيق قلبى

يهل هلاله ويبان

با موج البحر يا ..... غضبان

مين قالك .....

مابتعديش المايه على عطشان ؟

أنا عدت على بحور

ومحظور على قلبى يبات رويان

..........

كل سنة ونتو طيبين 

ملائكة الرحمه!

تعرض والدى"شفاه الله" على مدار الايام الماضيه الى ازمه صحيه شديده مما اطره لدخول مستشفى اسيوط الجامعى والاقامه به لاكثر من شهر،وعلى الرغم من انه كان يتلقى علاجه داخل القسم الخاص والذى اعتقدت انه يتميز ولو نوعا عن اقسام العلاج المجانى لكن الغريب انه كان على العكس تماما بل قيل ان الاقسام المجانيه بها رعايه افضل!
من الاشياء المدهشه حالة الامباله الغريبه التى يتميز بها اغلب الاطباء والحكيمات داخل هذ

ه المستشفى بالاضافه الى نوع عجيب من الغطرسه والعجرفه الشديده يتعاملون بها مع المرضى وزويهم مما يشعرك بانك تتعامل مع الورثه الشرعيين لجهاز مباحث امن الدوله المنحل وليس ملائكة رحمه كما كانو يوصفون!
لا اريد ان اكون متجنى لكن وللاسف الشديد هذه هى الحقيقه
دائما كانو عابثين متجهمين باستثناء لحظه وحيده وفريده كانو فيها فرحين مهللين مكبرين فقط حينما جاءُ ليحصلو على "حلاوه الخروج بالسلمه"بخلاف ذلك كانو معظم الوقت اشبه بحرس نسائى فى سجن القناطر مثل هولاء الذين كنا نشاهدهم فى الافلام العربى!
خصوصا اذا حاولت ان تسائل او تستفسر عن شى ولو بسيط بالكاد تحصل على نصف اجابه وبعد عناء شديد.
وحينما ابديت امتعاضى امام احدى الممرضات من هذه المعامله اخبرتنى بكل ثقه ان دوها اشرافى اما الرعايه والاحظه فاهى من واجبات"المرافقين"لذلك نصحتنى ان يكون معى بديل يتناوب معى الرعاية والملاحظه!
حاولت ان التمس لهم الاعزار خصوضصا ان القسم لايوجد به اكثر من حكيمه او اثنتين على مدار اليوم وفى المقابل هناك عشرات المرضى لذلك الرعاية وبى هذه الشكل شبه مستحيله.
فقط الشى الذى لم يكن مستحيل هى ابتسامه فى وجه مريض هوا فى اشد الحاجه اليها لكن وللاسف حتى هذه كانت نادره!

........

سيبكم انتو

وحشتووووووووووونى جدا جدا

وعلى راى رضوى ماقالت ......الواحد مننا ملوش غبر مدونته وشويت حجات تانيه!

ورمضان كريم

تخاريفى

 

            مين قالك !!

أن أنا ممكن اتناذل عن درعى وسيفى !

مهما أن طاااال ف  العمر ..... خريفى

مهما أن هلك القلب ........ نزيفى

            وعلى فكره ...

       أنا ناوى اكسر مجديفى

      ولو هغرق فى بحورك

              اغرق !

              بمزاجى

               وكيفى

ولو زارك فى منامك .... طيفى

           وفتحلك قلبى

            ومظاريفى

ومركبك رسيت فى رصيفى

      مش لازم تاخد بالك

           من تخاريفى

مش لازم تبكى على جروحى

         وتعذب روحى

             أنا بس

           يا روحى

         محتاج لبراح

             جواك

              ارتاح

منا زى الطير الـ ..... ماسكيفى

        اكمن أنا .... ريفى

      وكمنك من أهل البندر

متغندر .... ف الشال الصيفى

        ااااااااااااه يا نزيفى

             يا قاتلنى !

         قرب وحضنى

           قبل امـ  تاكلنى

          النار اللى بتلسع

                قلبى

              وروحى


         وطرا ... طيفى

     وأنا ايه .... تصاريفى !؟

   غير انى استشهد ف بحورك

              بمزاجى

               وكيفى

.........

غبت انا صح
ولا ماخدتوش لبالكم ؟  هههههه
 مسير الطير لعشه تانى
ودينى رجعت للعش 
وكلام كتير عايز افوله يا اصدقاء
....... ااااااااااااااااااااااااه
تعبان ........
ومفبش مكان افضفض فيه غير هنا
ولو عندكم وقت ممكن احكيلكم ؟
ولا يمكن الشعر يعبر احسن
وحشتونى

ليه خايفين ؟

مدام الحلم قدامنا

منور شمس احلامنا

وباب السكة مفتوح على الجنبين

.........

ليه خايفين ؟!

مدام الشوق معزبنا

ومسافر فى مراكبنا

 

لا ناوى يفارق يا احبابنا

ولا احنا كمان ناويين !

..........

وليه خايفين ؟!

مدام فى قلوبنا فيه فرحة

وضحكة واهة مش جارحة

 

 لكن سعات مليانة انين !

...........

اكيد حياتنا تستاهل

اكيد بكرة يستاهل

يزرع أمل فى عنينا

يصحينا

يلون بسمة على وشوشنا

يعيشنا

احلا ليالينا

يحقق كل امانينا

بس المهم نكون عايزين

بس المهم نكون صادقين

..............

ومابين بكرة ومبارح

اكيد الفجر هيشقشق

ويغنى القلب / ويزقزق ع الشجر عصافير

ويطير هوانا ف الهواء طير

ويوهب لسماء جناحين

بس المهم نكون عايزين

بس المهم نكون صادقين

.............

وليه خايفين ؟؟؟ !!!!

مدام الحلم قدامنا

منور شمس احلامنا

وباب السكة مفتوح على الجنبين

على عون مهنى

أربعة جدران .. وأنا

        

للزنازن أربعة جدران .. وأنا

من الجدار الى الجدار مسيرة ثلاثون عام 

وحدى مشيتها 

ولم أنتهى الى شى !


كأنى اسير فى فراغ اوعدم ! 

  

الالهةالتى كانت تسكن القمر

هجرته منذ زمن 

فعاد كما كان  حجر

اعرف اننى مُصير الى الذى لا اعرفه

وقد استحلفت القدر بان يُعجل لى بما قضى

لايتركنى وحدى هنا 

مطروح فى الزاوية

أرقب الاحلام وهى تتسلل خلف الضوء 

عبر النافذة المحصنة

تهبط فوق الجدران التى ملأتها الشروخ

تنسج فوق الجروح المثخنة 

خيط العنكبوت !